HAMALIMON 10:16 - BIBEL JAMITA NA DENGGAN

¹⁶ Dung i disapai si Musa ma sanga di dia do hambeng na gabe haul hasesaan ni dosa. Dipaboa halak ma tusia na dung ditutung do pahan-pahanan i. Hara ni i gabe muruk ma si Musa tu si Eleasar dohot si Itamar. Didok ia tu halahi.

HAMALIMON 10:16 ပူးပေါင်းရင်းမြစ်များ

ESRA 7:5

Abisua Pinehas Eleasar Malim Godang Harun

HAMALIMON 6:26

Malim na manghaulkon pahan-pahanan i pe angkon panganonna do sian i di sada inganan na badia, i ma di alaman ni Bandar Parmianan Ni Tuhan.

HAMALIMON 6:30

Pahan-pahanan nampuna mudar na dioban tu bagasan Bandar Parmianan, na nipake i laho mangido hasesaan ni dosa, angkon tutungon do sude, nada tola i panganon.

HAMALIMON 9:15

Dung salpu songon i dipasahat ia muse ma haul na nioban ni halak na bahat i. Hambeng sihaulkononkon na gabe haul hasesaan ni dosa ni na bahat i dibuat ia lalu disambol ia, dung i dipasahat ia ma i songon pambaen ni haul hasesaan ni dosania sandiri.

HAMALIMON 9:3

Dung i suru muse ma halak Israel maroban haul na gabe hasesaan ni dosa sada hambeng jantan bope gabe haul situtungon sada anak ni lombu dohot sada anak ni biri-biri rap marumur sataon jana na so adong tihasna.

BILANGAN 12:3

Sada halak na toruk roha do si Musa, tumoruk do rohania sian sude jolma na adong di ginjang tano on.)

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.