HAMALIMON 10:14 - BIBEL JAMITA NA DENGGAN

¹⁴ Tapi anggo ho dohot angka anakmu halaklahi bope dadaboru, tola do panganonmu andora dohot pat pudi ni pahan-pahanan na dihaulkon i songon silehen-lehen na mardohonan tu Tuhan di angka malim. Tola do panganonmunu i sanga di dia inganan na ias mangihutkon ugamo. Silehen-lehen na nipasahat on, dilehen di ho dohot di angka anakmu na gabe bagianmunu sian haul haluaan ni bangso Israel.

HAMALIMON 10:14 ပူးပေါင်းရင်းမြစ်များ

HARURUAR 29:33

Angkon panganon ni halahi do sipanganon na nihaulkon di upacara panyesaan ni dosa di pangangkatan ni halahi gabe malim. Hum malim sajo do na tola mangankon sipanganon on, hara ni na dung diparbadiai i.

JEHESKIEL 42:13

Didok bayo i ma tu au, “Na badia do bangunan na dua i. Disi ma angka malim bolas mangadop tu haroroan ni Tuhan, mangankon angka haul na sun badia. Angkon disi muse ma payakkonon ni halahi angka haul na sun badia i, i ma: Haul gandum dohot haul panyesa ni dosa sanga haul panobus ni hasalaan.

HAMALIMON 10:13

Pangan ma roti i di sada inganan na badia, i ma bagianmu Harun dohot angka anakmu halaklahi sian sipanganon na dung dipasahat tu Tuhan i. I do parenta ni Tuhan i tu au.

HAMALIMON 22:13

Tapi boru ni malim na dung marando sanga na disirangkon tapi nada adong anakna, jana madung mulak tu bagas ni amangna jana ngolunia margantung tu halahi tola do mangankon sanga aha pe na nijagit ni amangna sian hamalimon. Hum sabagas ni malim i do na tola mangankon haul sisongon i.

HAMALIMON 9:21

Andora dohot patna pudi ni binatang i dipasahat gabe silehen-lehen na mardohonan tu Tuhan hara ni angka malim songon na dung diparentahon ni si Musa hian.

BILANGAN 18:11

Songon tambana, sude silehen-lehen na mardohonan na asing na dihaulkon ni halak Israel di Au, laing bagianmu do i. Au mangalehen di ho, di angka anakmu halaklahi, di angka borumu. Jana ro di salolot-lolotna do paraturan on. Sude halak na di bagas i na dung ias mangihutkon ugamo tola do mangankonsa.

BILANGAN 5:9

Jana ganop silehen-lehen na mardohonan na nilehen ni halak Israel tu Tuhan, gabe bagian ni malim na manjagit na nilehen i ma i.

JOHANNES 4:34

Dung i didok Jesus ma, “Anggo sipanganonKi, i ma na mangihutkon hagiot ni na marsuru Au, jana pasidungkon parkarejoan na nilehenNia sikarejohononKu.