HAMALIMON 10:11 - BIBEL JAMITA NA DENGGAN

¹¹ Sude tona na dung Hulehen di ho marhite si Musa, angkon ajarkononmu tu bangso Israel.”

HAMALIMON 10:11 ပူးပေါင်းရင်းမြစ်များ

2 JUJUR TAON 15:3

Lolot sajo do na so mangoloi Israel tu Debata na tutu, nada maruli pangajaran sian angka malim na laho mangajari halahi, jana nada tunduk tu angka uhum.

2 JUJUR TAON 17:9

Kehe ma halahi, dioban-oban halahi ma Buku Tona Ni Tuhan sanga na tu dia di sude kota ni Juda jana diajari halahi ma rayat i disi.

2 JUJUR TAON 30:22

Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,

NEHEMIA 8:2

Jadi dioban si Esra ma buku i tu adopan ni na marlagut i, i ma angka halaklahi, dadaboru dohot angka dakdanak na impas godang laho mangastui.

NEHEMIA 8:8

Diterjemahkon halahi ma Tona Ni Debata i jana dipatorang halahi anso laing mangarti rayat i di na disise i.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

JEREMIA 2:8

Angka malim nada adong be na marsapa sanga di dia Au, Tuhanna. Angka na pajongjong uhum pe nada mamboto sanga ise Au. Angka na markuaso mangalo do tu Au. Mangasahon goar ni Baal mandok hata angka panurirang, jana marsomba gana-ganaan na so marguna i.”

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

PANGARATAION 17:10

Halahi ma na mangalehen haputusan, jana angkon tangkas patulusonmunu sanga aha na nidok ni halahi tu hamu.

PANGARATAION 17:11

Jagit hamu ma haputusan ni halahi i jana padalan hamu ma angka aturan ni halahi, lopus tu pangalaho na samenek-menekna.

PANGARATAION 24:8

Muda hona nyae kusta na marbahaya hamu, angkon tangkas sajo do patulusonmunu sanga aha na niparentahon ni Malim Levi tu hamu; ihutkon hamu ma angka sipaingot na dung hulehen tu halahi.

PANGARATAION 33:10

Diajari halahi do bangsoMu mangoloi UhumMu; dibaen halahi do haul di langgatanMu.

1 TESSALONIKA 4:2

Harana madung diboto hamu angka sipaingot na hami lehen i di hamu mangasahon Tuhan Jesus.