HAMALIMON 10:1 - BIBEL JAMITA NA DENGGAN

¹ Di na sadari, ro ma angka anak ni si Harun, i ma si Nadab dohot si Abihu, rap mambuat inganan ni apina be, lalu mangisi banggar tusi. Ditambahon halahi dope hamonyan tu api i, dung i dipasahat halahi ma i tu Tuhan. Tapi nada badia api i angke nada na nisuru ni Tuhan halahi pasahatkonsa.

HAMALIMON 10:1 ပူးပေါင်းရင်းမြစ်များ

1 RAJA-RAJA 18:38

Jadi ditongos Tuhan ma api sian langit manutung haul i lopus puntung rap dohot sobanna i, angka batuna i dohot tanona i songon i dohot aek na di bondar i abis didilat api i.

MASMUR 141:2

Jagit ma tangiangku songon haul hamonyan, tanganku na hupahortang songon haul borngin.

HARURUAR 24:1

Dung i didok Tuhan ma tu si Musa, “Nangkok ma hamu mandapotkon Au, ho rap dohot si Harun, si Nadab dohot si Abihu dohot pamimpin ni halak Israel na pitu pulu halak i. Jadi dompak dao dope hamu sian on, angkon marsomba do hamu.

HARURUAR 24:9

Dung i manangkok ma si Musa, si Harun, si Nadab, si Abihu dohot pamimpin ni halak Israel na pitu pulu halak i tu dolok i,

HARURUAR 27:3

Baen ma huali inganan ni abuan, sonduk, talam, garpu dohot inganan ni api. Angkon sian tumbaga do baenon sude panjamaan on.

HARURUAR 28:1

“Piohon ma angkangmu si Harun dohot angka dakdanaknia i si Nadab, si Abihu, si Eleasar dohot si Itamar. Paasing ma halahi sian halak Israel, anso tarbaen halahi mangoloi Au songon malim.

HARURUAR 31:11

miak upacara, dohot hamonyan na huskus di Inganan Na Badia. Sasudena i angkon tumbuk do songon na Hudok tu ho baenon ni halahi.”

HARURUAR 37:29

Ditanak si Besaleel muse ma miak upacara dohot pultak ni hamonyan na huskus, dicampur songon miak na huskus.

HARURUAR 38:3

Dibaen ia muse do sude parkokas sipakeon di langgatan, angka huali, sodok, angka mangkuk, garpu-garpu dohot tataringna. Sian tumbaga do sudena i dibaen.

HARURUAR 40:27

jana ditutung ia ma hamonyan na huskus di ginjangna songon na niparentahon ni Tuhan i.

HARURUAR 6:23

Marbagas ma si Harun dohot si Eliseba, boru ni si Aminadap; iboto ni si Nahason, ditubuhon ia do si Nadab, si Abihu, si Eleasar dohot si Itamar.

HARURUAR 8:27

Angkon tu halongonan do hami kehe tolu ari pardalanan daona laho manghaulkon haul tu Tuhan Debatanami, songon na niparentahonNia hian tu hami.”

JEREMIA 19:5

Madung dipajongjong halahi langgatan pamelean tu Baal laho manutungi anak ni halahi gabe haul situtungon tu Baal, hape nian so jungada Huparentahon sanga Huhatahon songon i jana nada jungada torbit dirohangKu si songon i.

JEREMIA 32:35

Dipambaeni halahi do angka langgatan tu Baal di Rura Hinom, jana dipelehon halahi angka dakdanak halaklahi dohot dadaboru ni halahi tu Debata Molok. Hape nian na so jungada do Husuru halahi patupahon na songon i, salang tubu di bagasan rohangKu pe nada jungada sisongon i paboa na giot baenon ni halahi parbuatan na songon i jorbutna dohot na mambaen halak Juda mardosa.”

JEREMIA 44:15

Dung i marroan ma halak bahat sajo mandapotkon au, i ma angka ama-ama na mamboto dadaboruna kehe memelehon haul tu angka debata dohot sude dadaboru na marjongjongan disi, dohot ma disi halak Israel na maringanan di Mesir na di Selatan – didok halahi ma tu au,

JEREMIA 44:8

Biasi sai mangalap-alapi hamu anso muruk Au? Ro hamu jana maringanan di Mesir on, lalu marsomba hamu tu gana-ganaan jana mamelehon haul tu angka debata ni luat on! Biasi ra hamu mangalapi hamamagomunu? Giotmunu ma he marlayas baenon ni bangso na satano on jana goarmunu pakeonna gabe bura?

JEREMIA 7:31

Madung dipajongjong halahi sada langgatan na margoar Tofet di Rura Hinom laho manghaulkon angka dakdanak ni halahi baen haul situtungon. Hape so jungada Husuru halahi mambaen sisongon i, salang tubu di bagasan rohangKu pe nada unjung na songon i.

HAMALIMON 16:1

Dung mate anak ni si Harun na dua i, di hatiha na nipasahat ni halahi tu Tuhan api na so nihagiotanNia, didok Tuhan ma tu si Musa.

HAMALIMON 16:12

angkon buatonnia sian langgatan inganan ni api dohot banggar ni api, dohot duanggolom hamonyan na halus, lalu dioban ia tu Bilik Na Sun Badia.

HAMALIMON 22:9

Sude malim angkon patuluskon angka aturan na dung Hulehen. Muda nada, sala do halahi jana angkon mate, patunda ni na mangalaosi angka aturan na badia i. Au do Tuhan jana na mamili halahi gabe hapunjunganKu.

HAMALIMON 9:24

Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

BILANGAN 16:46

didok si Musa ma tu si Harun, “Buat ma inganan ni apimi, pamasuk tusi lima kamata banggar na gara sian langgatan jana baen saotik hamonyan tu banggar i. Sigop ma oban tu halak na bahat i jana baen upacara hasesaan ni dosa di halahi. Sigop ma! Madung mardalan muruk ni Tuhan, madung mamungka ro nyae na mangalangkoti.”

BILANGAN 26:61

Si Nadab dohot si Abihu na mate di hatiha manghaulkon api na so nihagiotan ni Tuhan.

BILANGAN 4:18

“Anggo angka barang on na dung mardohonan do on di Au. Antong jagohon ma anso ulang donok angka halak Kehat i tusi. Angkon mate do halahi muda donok halahi tusi. Jadi, anso ulang tarjadi na songon i, masuk ma si Harun dohot angka anaknia tu Bandar Parmianan paboahon tu halak Kehat i sanga aha na giot obanonna.

PANGARATAION 12:32

Sai patulus hamu ma sandok na dung huparentahon tu hamu; ulang tambai sanga urahi hamu saotik pe.

PANGARATAION 17:3

hara ni na marsomba dohot mangoloi tu angka debata na asing, sanga pe tu mataniari, sanga tu bulan, sanga tu angka bintang, na maralo tu parenta ni Tuhan,

PANGARATAION 4:2

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni Tuhan Debatamunu na hulehen i tu hamu.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.