HAMALIMON 1:9 - BIBEL JAMITA NA DENGGAN

⁹ Angkon basuon ni halahi do butuha dohot pat pudi ni pahan-pahanan i, dung i markarejo ma malim manutung sude haul sipanganon i pajop roha ni Tuhan.

HAMALIMON 1:9 ပူးပေါင်းရင်းမြစ်များ

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

1 JUJUR TAON 6:34

Elkana, Jeroham, Eliel, Toah,

2 JUJUR TAON 4:6

Laing dibaen Raja Salomo dope sampulu sambong na godang, lima ma i sibaenon di sabola Selatan ni Bagas Ni Tuhan i, jana lima nari di sabola Utarana. Guna ni angka sambong i, i ma inganan pamasuan ni angka juhut ni binatang na niponggolan na giot situtungon gabe haul. Anggo aek na di sambong na godang i, di angka malim do haporluan ni i laho mangias dirina.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

MASMUR 66:15

Giot haulkononku tu Ho haul situtungon sian pahan-pahanan na nipamokmok. Haulkononku hambeng dohot lombu jantan; jop ma rohaMu di timusna i.

HARURUAR 12:9

Angkon nitutung do sude uluna, patna dohot isi ni butuhana. Pangan hamu ma juhut na nitutung i ulang adong mangan na mata sanga na nibolgang.

HARURUAR 29:18

Tutung ma sude biri-biri jantan i di ginjang ni langgatan i gabe haul na nitutung. Uap ni haul on ma na pasonang Au.

HARURUAR 29:25

Jadi buat ma roti i sian halahi lalu tutung ma di ginjang ni langgatan i, di ginjang ni haul situtungon sinangkinan gabe haul panganon di Au. Uap ni haul on ma na pasonang rohangKu.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEHESKIEL 20:28

Huoban ma halahi tu tano na dung Hujanjihon tu halahi. Di na niida ni halahi angka dolok na gincat dohot angka hayu na rumbun, dipelehon halahi ma haul tu sude hayu dohot dolok i. Dialap-alapi halahi ma anso muruk au marhite angka haul situtungon dohot pelean anggur ni halahi i.

JEHESKIEL 20:41

Dung Huoban hamu haruar sian angka luat inganan parserahanmunu, palagutonKu ma hamu jana jagitonKu ma sude haul situtungonmunu. Jadi gabe botoon ni sandok bangso ma Au do Tuhan.

JEHESKIEL 40:38

Di alaman parruar i adong do sada kamar tamba-tamba di horbangan parbagasan sabola Utara. Sian kamar tamba-tamba i adong ma sada pintu tu bilik na lapang i. Disi ma dibasu angka pahan-pahanan na giot sibaenon haul situtungon.

HAMALIMON 1:13

Dung i basuon ni halahi ma butuha dohot pat pudi ni pahan-pahanan i, jadi sombahonon ni malim i ma haul i tu Tuhan, lalu ditutung sude di ginjang ni langgatan. Uap ni haul sipanganon i ma pajop roha ni Tuhan.

HAMALIMON 1:17

Dung i ditiop ma unggas i di pangkal ni habongna i laho manyuakkon andorana, tapi nada tola torus taldus habongna i. Dung i ditutung ma unggas i dipayakkon tu hayu na gara di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 2:16

Tutungon ni malim i ma sabagian sian gandum dohot miak i bope sude hamonyan songon tanda bahaso sudena i madung dihaulkon tu Tuhan songon haul sipanganon.

HAMALIMON 2:2

dung i dioban ma tu malim pomparan ni si Harun. Buaton ni malim na markarejo hatiha i ma sanggolom sian topung i dohot miak zetun bope hamonyan i sude, lalu ditutung ia ma di ginjang ni langgatan na gabe songon tanda bahaso haul i na dung dihaulkon sude tu Tuhan. Uap ni haul situtungon i ma pajop roha ni Tuhan.

HAMALIMON 2:9

Na gabe tanda ma i bahaso haul i na dung disombahon tu Tuhan, buaton ni malim ma deba sian roti i, dung i tutungonna ma di ginjang ni langgatan. Uap ni haul sipanganon i ma pajop roha ni Tuhan.

HAMALIMON 3:11

Angkon tutungon ni malim na markarejo disi sudena i di ginjang ni langgatan gabe haul sipanganon di Tuhan.

HAMALIMON 3:5

Sudena i rap dohot haul situtungon na asing i, tutungon ni malim ma i di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 4:31

Tabo-tabo ni pahan-pahanan i angkon niharuarkon sude, songon na binaen tu haul haluaan i. Angkon tutungon ni malim i do tabo-tabo na di ginjang ni langgatan, anso jop roha ni Tuhan manganggo uapna i. Songon i ma pangalahona baenon ni malim i pasahat haul hara ni dosa ni sada rayat na somal, gabe sesaon ni Tuhan i ma dosana i.

HAMALIMON 6:14

Songon on ma angka aturan taringot tu haul gandum di Tuhan. Sahalak malim sian pomparan ni si Harun angkon maroban tu jolo ni langgatan.

HAMALIMON 8:28

Dung i dijagit si Musa ma sipanganon i sian halahi lalu ditutung ia di langgatan i, di ginjang ni haul situtungon i, gabe haul pangangkaton i ma haul sipanganon, uapna i ma pajop roha ni Tuhan.

HAMALIMON 9:14

Dibasu ia ma butuhana dohot pat pudi ni binatang i lalu ditutung ia di langgatan i di ginjang ni haul situtungon na lobi i.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

BILANGAN 15:3

Tu haul situtungon sanga haul manggarar niet, sanga haul sian jop ni roha sanga pe angka haul di ari pesta ni ugamo na somal, tola do dihaulkon halahi tu Tuhan angka on: sada lombu jantan, sada biri-biri jantan, sada biri-biri sanga sada hambeng. Uap ni haul sipanganon i pajopkon roha ni Tuhan.

BILANGAN 28:11

“Ganop bona ni bulan angkon haulkonon tu Tuhan haul situtungon, i ma: dua lombu jantan na poso, sada biri-biri jantan, pitu anak ni biri-biri jantan na marumur sataon, sudena i na so martihas.

BILANGAN 28:7

Rap dohot anak ni biri-biri na parjolo, angkon dilehen haul anggur saliter bahatna. Disiramkon ma aek ni anggur i tu ginjang langgatan.

BILANGAN 28:8

Potang ari haulkonon ma biri-biri na paduahon dos dohot haul manyogot i, rap dohot haul anggur. On pe gabe haul sipanganon do. Uap ni haul i pajopkon roha ni Tuhan.”

2 KORINTUS 2:15

Dibaen songon uap na huskus ni Kristus do hami adop Debata di tonga-tonga ni angka na dapotan haluaan, bope di tonga-tonga ni angka na giot kehe tu hamagoan i.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.

PANGARATAION 12:27

Angka haul na abis ditutung dohot angka haul na nipangan juhutna, angkon haulkononmunu do i di ginjang ni langgatan ni Tuhan jana mudarna i niduruskon tu ginjang ni langgatan i.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.