HAMALIMON 1:4 - BIBEL JAMITA NA DENGGAN

⁴ Dung i payakkonon ni halahi ma tanganna tu ginjang ni ulu ni pahan-pahanan i, gabe jagiton ni Tuhan i ma silehen-lehenna i gabe haul hasesaan ni dosa ni halahi.

HAMALIMON 1:4 ပူးပေါင်းရင်းမြစ်များ

HARURUAR 28:38

Angkon pasangon ni si Harun do parhiasan sere i di bohinia anso ra Au Tuhan manjagit sude haul na nioban ni halak Israel tu Au, haru pe umpamana madung adong saotik na sala dibaen halahi.

HARURUAR 29:10

Oban ma lombu jantan i tu jolo ni Bandar ParmiananKu. Angkon ampehonon ni si Harun dohot angka anaknia i ma tangan ni halahi tu ulu ni lombu jantan i.

HARURUAR 29:15

Buat muse ma sada sian biri-biri jantan i. Angkon payakkonon ni si Harun dohot angka anaknia i do tangan ni halahi tu ginjang ni ulu ni biri-biri i.

HARURUAR 29:19

Buat ma biri-biri jantan na sada nari i – i ma biri-biri sihaulkononkon. Suruhon ma anso dipayakkon si Harun dohot dakdanaknia i tangan ni halahi tu ulu ni pahan-pahanan i.

HARURUAR 29:33

Angkon panganon ni halahi do sipanganon na nihaulkon di upacara panyesaan ni dosa di pangangkatan ni halahi gabe malim. Hum malim sajo do na tola mangankon sipanganon on, hara ni na dung diparbadiai i.

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

HAMALIMON 16:21

Diampehon ia ma tangannia dua-dua tu ginjang ni ulu ni hambeng i lalu mangoku sude hasalaan, dosa, bope pangalaosion ni bangso Israel. Marhite na songon i, sude hajahatan ni bangso Israel dipayakkon tu ginjang ni ulu ni hambeng i. Dung i adong do sada halak na dung nitontuhon hian mangayak hambeng i tu parhorsihan.

HAMALIMON 16:24

Dung i angkon maridi ia di sada inganan na badia mamake pakeannia sandiri. Dung i haruar ma ia lalu pasahatkon haul situtungon na gabe hasesaan ni dosania sandiri dohot angka dosa ni bangso Israel.

HAMALIMON 22:21

Muda dilehen sada-sada halak tu Tuhan haul haluaan baen panggarar ni nietnia sanga haul sian jop ni roha, nada tola pahan-pahanan na martihas, anso tarjagit.

HAMALIMON 3:13

angkon payakkonon ni na maroban haul i ma tanganna tu ginjang ulu ni hambeng i lalu disambol ia ma i di jolo ni pintu ni Bandar Parmianan Ni Tuhan. Pispiskonon ni malim i ma mudar ni hambeng i tu na opat topi ni langgatan i.

HAMALIMON 3:2

Halak na maroban haul, angkon dipayakkon do tanganna tu ginjang ni ulu ni lombu i lalu disambol di pintu ni Bandar Parmianan Ni Tuhan. Dung i dipispiskon angka malim pomparan ni si Harun ma mudar ni lombu i tu na opat topi ni langgatan i.

HAMALIMON 3:8

Jana angkon payakkononna ma tanganna tu ginjang ulu ni biri-biri i lalu disambol ia ma i di jolo ni Bandar Parmianan. Lalu diduruskon malim i ma mudarna i tu na opat topi ni langgatan i.

HAMALIMON 4:15

Angkon payakkonon ni angka hatobangon ni bangso i ma tanganna tu ginjang ni ulu ni pahan-pahanan i, dung i disambol ma di inganan i.

HAMALIMON 4:20

Pambaenna dos dohot na pasahat lombu jantan gabe haul hasesaan ni dosa. Songon i ma baenon ni Malim Godang i pasahat haul hara ni dosa ni bangso i, dung i sesaon ni Tuhan ma dosa ni halahi.

HAMALIMON 4:26

Dung i tutungon ni malim i ma sude tabo-tabo ni pahan-pahanan i di ginjang ni langgatan i. Pambaenna dos dohot pambaen ni haul haluaan. Songon i ma pangalahona laho pasahat haul hara ni dosa ni sahalak parpangkat, dung i sesaon ni Tuhan ma dosana i.

HAMALIMON 4:29

Angkon payakkononnia ma tangannia tu ginjang ni ulu ni hambeng i, lalu disambol ia ma i di topi sabola sian Utara ni langgatan haul situtungon, inganan panyambolan ni angka pahan-pahanan na gabe haul situtungon.

HAMALIMON 4:31

Tabo-tabo ni pahan-pahanan i angkon niharuarkon sude, songon na binaen tu haul haluaan i. Angkon tutungon ni malim i do tabo-tabo na di ginjang ni langgatan, anso jop roha ni Tuhan manganggo uapna i. Songon i ma pangalahona baenon ni malim i pasahat haul hara ni dosa ni sada rayat na somal, gabe sesaon ni Tuhan i ma dosana i.

HAMALIMON 4:33

Angkon payakkononnia ma tangannia tu ulu ni pahan-pahanan i, lalu disambol ia ma i sabola sian Utara ni langgatan inganan ni haul situtungon, inganan panyambolan ni angka binatang na gabe haul situtungon.

HAMALIMON 4:35

Angkon diharuarkon do sude tabo-tabo ni pahan-pahanan i, songon na dibaen tu haul haluaan. Ditutung ma sude tabo-tabo i di ginjang ni langgatan i rap dohot haul sipanganon sisombahonon tu Tuhan. Songon i ma baenon ni Malim i pasahatkon haul hara ni dosa ni sada halak, dung i sesaon ni Tuhan ma dosana i.”

HAMALIMON 4:4

Angkon obanonnia ma lombu i tu pintu ni Bandar Parmianan Ni Tuhan i. Payakkonon ni Malim Godang i ma tangannia tu ginjang ni ulu ni binatang i, lalu disambol ia di Bandar Na Badia.

HAMALIMON 5:6

Jana songon uhuman hara ni dosania i, angkon obanonna di Tuhan sada biri-biri sanga sada hambeng boru-boru. Sombahonon ni malim i ma haul i, anso dapot hasesaan ni dosa ni halakna i.

HAMALIMON 6:7

Angkon pasahaton ni malim ma i gabe haul hara ni dosa ni halakna i, dung i sesaon ni Tuhan i ma dosana.

HAMALIMON 8:14

Dung i dibuat si Musa ma sada lombu jantan jara-jara baen haul hasesaan ni dosa, lalu dipayakkon si Harun bope angka anaknia i ma tangan ni halahi tu ginjang ulu ni lombu i.

HAMALIMON 8:18

Dung i dibuat si Musa muse ma biri-biri jantan baen haul situtungon, dipayakkon si Harun bope anaknia i ma tangan ni halahi tu ginjang ulu ni biri-biri i.

HAMALIMON 8:22

Dung i dibuat si Musa ma biri-biri jantan na paduahon na hasaya di na mangangkat malim. Dipayakkon si Harun bope angka anaknia i ma tangan ni halahi tu ulu ni pahan-pahanan i.

HAMALIMON 9:7

Jana didok ia ma tu si Harun, “Kehe ma ho tu langgatan i, jana pasahat ma disi haul hasesaan ni dosa dohot haul situtungon anso disesa Tuhan i dosamu dohot dosa ni bangso i. Baen ma songon i songon na dung ditonahon ni Tuhan i.”

BILANGAN 15:25

Dung i angkon karejohonon ni malim i ma upacara taringot tu hasesaan ni dosa ni na bahat i. Dung i ampunan ni Debata ma halahi hara ni hasalaan na so niuntil i jana na dung dioban halahi haul hasesaan ni dosa gabe haul sipanganon tu Tuhan i.

BILANGAN 15:28

Baenon ni malim i ma upacara taringot tu hasesaan ni dosa di langgatan, laho pabotohon na dung malua halak na i sian dosana, gabe ampunan ni Tuhan ma halakna i.

BILANGAN 25:13

Ia dohot pomparannia ditotopkon ma gabe malim sapanjangna, hara ni na so tartahan ia mida halak na manyomba debata sileban dibalik ni Au. Hara ni i sesaonKu ma dosa ni Israel.”

BILANGAN 8:10

Payakkonon ni halak Israel ma tangan ni halahi tu ginjang ulu ni halak Levi,

BILANGAN 8:12

Dung songon i payakkonon ni halak Levi i ma tangan ni halahi tu ginjang ulu ni lombu jantan na dua i, na sada haulkonon ma i gabe haul hasesaan ni dosa, na asing i gabe haul situtungon. Dohot pangalaho na songon i ma malua halak Levi i sian dosa ni halahi.

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

SURAT NI SI PAULUS TU PARLAGUTAN ROM 3:25

Jesus Kristus do na nipatumbuk ni Debata, gabe haul pardengganan markite-hite haporsayaan di mudarNia anso dipatidahon Ia hatigoranNia, angke dipadiar Ia do dosa i di hatiha hasobaranNia.

SURAT NI SI PAULUS TU PARLAGUTAN ROM 5:11

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.

PILIPPI 4:18

Madung hujagit sasudena – dohonon marlobi-lobi dope! Sude silehen-lehen na nitongosmunu i tu au, madung hujagit sian si Epafroditus. Saonnari madung tuk di au sanga aha haporluanku. Songon uap na huskus na sian haul na nihaulkon tu Debata jana na nihalomohon ni roha ni Debata, songon i do angka silehen-lehenmunu i.

IBRANI 10:4

harana anggo mudar ni lombu dohot mudar ni hambeng i sandiri nada tarbaen i manyesa dosa.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.