HAMALIMON 1:2 - BIBEL JAMITA NA DENGGAN

² sipatuluson ni halak Israel muda marhaul halahi. Muda dipasahat sada halak pahan-pahanan gabe haul situtungon, tola do sombahononna lombu, biri-biri sanga hambengnia.

HAMALIMON 1:2 ပူးပေါင်းရင်းမြစ်များ

PAMUNGKAAN 4:3

Dung adong sadia lolot, dibuat si Kain ma sian suha ni tano na nibaennia i, dipasahat ia ma i tu Tuhan gabe haul.

PAMUNGKAAN 4:5

tapi anggo si Kain dohot na nihaulkonnia i ditulak Tuhan do. Marpiar-piar ma muruk ni si Kain, jana murhing ma bohina hara ni murukna.

1 JUJUR TAON 16:29

Puji ma goarNa na marmulia. Oban ma haul tu bagasan ingananNa. Baen ma rohamu gabe hapunjunganNia. Dompak marsomba ho tuSia.

ESRA 3:5

Tamba ni i taratur ma dipasahat halahi haul situtungon dohot haul di Ari Pesta Bulan Baru, dohot di sude parsuoan na asing na dipatupa laho marsomba Tuhan. Dipasahat halahi muse haul na niojar ni rohana be tu Tuhan.

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

BILANGAN 15:3

Tu haul situtungon sanga haul manggarar niet, sanga haul sian jop ni roha sanga pe angka haul di ari pesta ni ugamo na somal, tola do dihaulkon halahi tu Tuhan angka on: sada lombu jantan, sada biri-biri jantan, sada biri-biri sanga sada hambeng. Uap ni haul sipanganon i pajopkon roha ni Tuhan.

BILANGAN 5:15

Muda masa pangalaho na dua on, angkon obanonna ma dadaborunia i tu malim. Obanonnia muse silehenon na porlu tusi, i ma sakilogram topung dahanon. Nada tola baenon tu topung i miak zetun sanga hamonyan, angke na nilehen ni sada halaklahi na mangiburu; jana hasayana anso diboto ia do tutu sanga nada na nituhaskonnia i.

MARKUS 7:11

Tapi anggo hamu songon on do diajarkon hamu: Muda adong sada-sada halak na mandok tu amangna dohot tu inangna: Aha na adong di au, na patut baenonku tu ho, madung huhaulkon i tu Debata.

SURAT NI SI PAULUS TU PARLAGUTAN ROM 12:1

Hara ni i ale angka dongan, hupaingot ma hamu markite-hite ibo ni roha ni Debata, anso dipasahat hamu dirimunu gabe haul na mangolu, na badia jana na tumbuk di roha ni Debata, i ma na gabe hangoluanmunu na sapatutna.

SURAT NI SI PAULUS TU PARLAGUTAN ROM 12:6

Laing songon i ma hita manjagit silehen-lehen na marasing-asing mangihutkon asi ni roha na dung dilehen tu hita. Halak na manjagit silehen-lehen anso manyurirangi, angkon karejohonon ma i mangihutkon haporsayaannia.

EPESUS 5:2

Angkon mardai holong ni roha ma nian ngolumunu, laing songon pangkaholongi ni Kristus di hita. Dihaulkon Ia do diriNia hara ni hita, gabe songon silehen-lehen dohot haul na huskus na pasonangkon roha ni Debata.