HAMALIMON 1:17 - BIBEL JAMITA NA DENGGAN

¹⁷ Dung i ditiop ma unggas i di pangkal ni habongna i laho manyuakkon andorana, tapi nada tola torus taldus habongna i. Dung i ditutung ma unggas i dipayakkon tu hayu na gara di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 1:17 ပူးပေါင်းရင်းမြစ်များ

PAMUNGKAAN 15:10

Dibuat si Abram ma angka binatang i di Debata; dibola dua ia ma lombu i dohot hambeng na dua i jadi dipayakkon ia ma bola-bolana i paadop-adop dua baris. Tapi anggo unggas i nada dibola dua ia.

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

HAMALIMON 1:13

Dung i basuon ni halahi ma butuha dohot pat pudi ni pahan-pahanan i, jadi sombahonon ni malim i ma haul i tu Tuhan, lalu ditutung sude di ginjang ni langgatan. Uap ni haul sipanganon i ma pajop roha ni Tuhan.

HAMALIMON 2:2

dung i dioban ma tu malim pomparan ni si Harun. Buaton ni malim na markarejo hatiha i ma sanggolom sian topung i dohot miak zetun bope hamonyan i sude, lalu ditutung ia ma di ginjang ni langgatan na gabe songon tanda bahaso haul i na dung dihaulkon sude tu Tuhan. Uap ni haul situtungon i ma pajop roha ni Tuhan.

HAMALIMON 3:5

Sudena i rap dohot haul situtungon na asing i, tutungon ni malim ma i di ginjang ni langgatan i. Uap ni haul sipanganon i ma pajop roha ni Tuhan.

HAMALIMON 5:8

Dung i dipasahat ma unggas i tu malim. Na parjolo angkon sombahonon ni malim i ma unggas na dung nitontuhon gabe haul hasesaan ni dosa. Dipulos ma rungkung ni unggas i, tapi ulang jabat marsirang sian uluna.

HAMALIMON 6:14

Songon on ma angka aturan taringot tu haul gandum di Tuhan. Sahalak malim sian pomparan ni si Harun angkon maroban tu jolo ni langgatan.

HAMALIMON 9:13

Dung songon i dipasahat halahi ma uluna dohot angka bagian na asing ni binatang i lalu ditutung ia di ginjang ni langgatan.

BILANGAN 15:3

Tu haul situtungon sanga haul manggarar niet, sanga haul sian jop ni roha sanga pe angka haul di ari pesta ni ugamo na somal, tola do dihaulkon halahi tu Tuhan angka on: sada lombu jantan, sada biri-biri jantan, sada biri-biri sanga sada hambeng. Uap ni haul sipanganon i pajopkon roha ni Tuhan.

BILANGAN 28:8

Potang ari haulkonon ma biri-biri na paduahon dos dohot haul manyogot i, rap dohot haul anggur. On pe gabe haul sipanganon do. Uap ni haul i pajopkon roha ni Tuhan.”

MATEUS 27:50

Dung i mangulahi ma pio-pio Jesus. Dung i tos ma hosaNia.

JOHANNES 19:30

Diincop Jesus ma anggur i, dung i ning Ia ma, “Madung marujung!” Jadi dipaunduk Ia ma uluNia, tos ma hosaNia.

SURAT NI SI PAULUS TU PARLAGUTAN ROM 4:25

i ma Jesus na dung dipasahat hara ni angka pangalaosionta, jana na nipangolu salaho tu hatigoranta.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.