HAMALIMON 1:10 - BIBEL JAMITA NA DENGGAN

¹⁰ Muda biri-biri sanga hambeng do na giot sombahonon i angkon jantan na so martihas.

HAMALIMON 1:10 ပူးပေါင်းရင်းမြစ်များ

PAMUNGKAAN 4:4

Dibuat si Abel ma sada anak ni biri-biri siangkaan sian saparinaan; disambol ia ma i, lalu dihaulkon ia ma goar-goaranna na dumenggan sian i tu Tuhan. Jop ma roha ni Tuhan mida si Abel dohot na nihaulkonnia i,

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

HARURUAR 12:5

Tola do pilionmunu sian biri-biri sanga hambeng, tapi angkon jantan do na marumur sataon jana na so martihas.

JEHESKIEL 43:22

Ancogotna i angkon haulkononmu do sada hambeng jantan na so martihas baen haul hasesaan ni dosa. Ias ma langgatan i dohot mudar ni hambeng i, laing songon na nibaenmu salaho tu lombu jantan na poso i.

HAMALIMON 14:10

Di ari pasalapankon angkon obanon ni halahi ma dua anak ni biri-biri jantan, sada anak ni biri-biri boru-boru marumur sataon na so martihas, tolu kilogram topung na dung marcampur dohot miak zetun dohot sapartolu liter miak zetun.

HAMALIMON 16:3

Dung dipasahat ia lombu jantan na poso na gabe haul hasesaan ni dosa, dohot sada biri-biri jantan gabe haul situtungon, disi pe anso tola ia masuk tu Bilik Na Sun Badia i.”

HAMALIMON 16:5

Dung i pasahaton ni bangso Israel ma tu si Harun dua hambeng jantan gabe haul hasesaan ni dosa, dohot sada biri-biri jantan gabe haul situtungon.

HAMALIMON 23:12

Di ari hatiha dilehen hamu haul gandum i, angkon laing lehenonmunu do na gabe haul situtungon tu Tuhan sada anak ni biri-biri na marumur sataon jana na so martihas.

HAMALIMON 3:1

Muda giot sombahonon ni sada halak sada lombu gabe haul haluaan, angkon lombu jantan sanga boru-boru na so martihas.

HAMALIMON 4:23

Disi tarboto dosania i tusia, angkon sigop ma haulkononnia sada hambeng jantan na so martihas. Payakkononnia ma tangannia tu ginjang ni ulu ni hambeng i, lalu disambol di topi ni langgatan sabola sian Utara, inganan panyambolan ni angka pahan-pahanan na gabe haul situtungon.

HAMALIMON 4:3

Muda Malim Godang do na mardosa i, pola dohot bangso i nisalahon hara ni i, angkon haulkononnia ma sada lombu jantan na poso na so martihas, anso disesa Tuhan dosania i.

HAMALIMON 5:15

Muda adong sada halak na mardosa so hara ni na niuntilna, hara ni na lalap ia pasahat silehen-lehen na patut tu Tuhan, angkon obanon ni halahi ma haul tobus ni hasalaan. Ia haul i, i ma sada biri-biri sanga hambeng jantan na so martihas. Diasam ma argana mangihutkon arga markite ukuran na marlaku di inganan na badia i.

HAMALIMON 9:2

Didok si Musa ma tu si Harun, “Buat ma sada lombu jantan na poso dohot sada biri-biri jantan rap na so adong tihasna. Haulkon ma pahan-pahanan na dua i tu Tuhan; lombu jantan i ma gabe haul hasesaan ni dosa jana biri-biri jantan i gabe haul situtungon.

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

BILANGAN 19:2

laho mangalehen angka paraturan on tu bangso Israel. Buat ma sada lombu na rara na so martihas jana na so jungada dope maroban boban.

BILANGAN 6:14

lehenonnia ma tu Tuhan tolu pahan-pahanan na so martihas, sada anak ni biri-biri jantan umur sataon gabe haul situtungon, sada anak ni biri-biri boru-boru marumur sataon, gabe haul hasesaan ni dosa dohot sada biri-biri jantan gabe haul haluaan.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.