HALUMBAAN 9:7 - BIBEL JAMITA NA DENGGAN

⁷ Songon dia ma kudo na giot tu porang idaon angka siapor i. Di angka uluna i adong ma idaon songon tuku na sian sere. Songon bohi ni jolma do idaon tompana.

HALUMBAAN 9:7 ပူးပေါင်းရင်းမြစ်များ

DANIEL 7:4

Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.

DANIEL 7:8

Taran hupanotnoti tandukna i, ompot ma tubu sada tanduk na asing di antarana i. Menek do tanduk i tapi dionjar ia do lalu mumpat tolu sian angka tanduk na parjolo i. Marmata do tanduk na menek i songon mata ni jolma jana marpamangan na bulbul pangkataina.

NAHUM 3:17

Songon siapor do angka halak na godang sian ho, na marsiholip di angka tembok taran di ngali ni ari. Tapi dung bincar mataniari, manigor mago be ma halahi marhabangan; sahalak pe nada adong umboto sanga na tu dia halahi kehe.

HALUMBAAN 6:2

Jadi hupamanat ma, gabe huida ma sada kudo na bontar. Ditiop na manengget kudo i do sada sior jana dilehen ma tusia sada tuku. Ruar ma ia songon sada halak parmonang, na maju laho mambuat hamonangan i.

HALUMBAAN 9:3

Gabe marroan ma angka siapor sian timus i mijur tu portibi on. Dilehen do tu halahi kuaso songon kuaso ni angka hala.