HALUMBAAN 9:6 - BIBEL JAMITA NA DENGGAN

⁶ Anggo na lima bulan i maradu mate ma nian giot ni jolma i, hape nada tarbaen halahi mate; por roha ni halahi nian anso mate, hape dao do hamatean i sian halahi.

HALUMBAAN 9:6 ပူးပေါင်းရင်းမြစ်များ

2 SAMUEL 1:9

Dung i didok ia ma tu au, ‘Ro ma tuson, jana bunu ma au! Mabugang do au banga jana mate ne ma au.’

JESAYA 2:19

Di haroro ni Tuhan laho manghutur tano on, marmasuhan ma halak tu bagasan angka liang di angka dolok batu sanga manghuar lubang di bagasan tano anso malua sian hamumuruk ni Tuhan dohot sian kuasoNia na marmulia i. Anggo dung dapot do ari i, tadingkononkon ma songon i sajo angka gana-ganaan perak dohot sere na nibaen ni halahi baen turpuk ni monci dohot arip-arip.

JEREMIA 8:3

Jadi sanga ise halak na laing mangolu sian bangso na jahat na Husarsarkon on sun tu dia, gumonan noma dihilala halahi mate ulang pado mangolu. Au Tuhan Na Markuaso, madung mandok songon i.”

HOSEA 10:8

Angka bagas pamelean na di angka tor Awen inganan pamelean ni halak Israel, roncohonon noma i. Martubuan ma duhut dohot duri di langgatan ni halahi i. Dung i marsurak ma halahi pio-pio tu angka dolok, “Ondingi ma hami!” dohot tu angka tor, “Dondoni ma hami!”

LUKAS 23:30

Dokkonon ni halak ma di hatiha i tu angka dolok, ‘Tinggangi ma hami!’ Jana tu angka partoran, ‘Lingkupkon ma hami!’

HALUMBAAN 6:16

Marsurak ma halahi tu angka dolok i dohot tu angka batu i, “Dondoni ma hami! Linggomi ma hami anso ulang hami ida bohi ni na juguk di habangsa i jana ulang hona muruk hami dibaen Anak Ni Biri-biri i!