HALUMBAAN 9:5 - BIBEL JAMITA NA DENGGAN

⁵ Nada dipatola angka siapor i mamatehon angka jolma i, hum na mamparkanciti halahi do dipatola lima bulan honokna. Songon hancit ni na nidoit ni hala do hancit ni parkancitan na nibaen ni angka siapor i.

HALUMBAAN 9:5 ပူးပေါင်းရင်းမြစ်များ

2 JUJUR TAON 10:11

Madung borat boban na nilehen ni damang i tu hamu, tapi umboratan dope na giot silehenonku. Disambok ia do hamu dohot hotang, tapi anggo au giot libasonku dope hamu dohot libas-libas na marduri bosi!’ ”

2 JUJUR TAON 10:14

songon na didok ni angka halak na poso i, didok ia ma, “Madung borat boban na nilehen ni amangku tu hamu, tapi mur borat dope baenonku boban i. Disambok ia do hamu dohot hotang, tapi anggo au libasonku do hamu dohot libas-libas na marduri bosi!”

JOB 2:6

Jadi didok Tuhan ma tu Sibolis, “Antong, baen sajo ma sanga na aha tusia, asal ma ulang dibunu ho ia.”

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

DANIEL 7:6

Taran pamanat-manatkon i dope au, murgap muse ma binatang na asing. Tompana songon babiat, tapi adong di tanggurungna i opat habong ni unggas jana ulunia pe opat muse. Jana dilehen do tusia hagogoon.

JOHANNES 19:11

Dialusi Jesus ma, “Anggo na so dilehen Debata do kuaso di ho, nada adong kuasomu tu Au. Hara ni i gumodang do dosa ni na pasahatkon Au tu ho ulang pado ho.”

HALUMBAAN 11:7

Dung sidung dipaboa halahi jamita ni halahi i, ro ma binatang na ruar sian rura hamatean i mangalo halahi. Taluhononnia ma halahi jana bunuonnia.

HALUMBAAN 13:5

Dipatola do binatang i pajojorkon angka ginjang ni rohana dohot pangincahion. Dipatola do ia mamarenta opat pulu dua bulan honokna.

HALUMBAAN 13:7

Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.

HALUMBAAN 9:10

Adong do lailaina dohot corotna songon hala. Jana di lailaina i do hagogoon ni halahi laho mamparkanciti jolma i di bagasan na lima bulan i.

HALUMBAAN 9:3

Gabe marroan ma angka siapor sian timus i mijur tu portibi on. Dilehen do tu halahi kuaso songon kuaso ni angka hala.