HALUMBAAN 9:3 - BIBEL JAMITA NA DENGGAN

³ Gabe marroan ma angka siapor sian timus i mijur tu portibi on. Dilehen do tu halahi kuaso songon kuaso ni angka hala.

HALUMBAAN 9:3 ပူးပေါင်းရင်းမြစ်များ

1 RAJA-RAJA 12:11

Madung diampehon damang tu hamu tanggungan na dokdok; tapi anggo au lehenonku ma tu hamu na umborat dope. Dilibas ia hamu dohot hotang, tapi anggo au sambokkononku do tu hamu loncing-loncing na marduri bosi.’ ”

2 JUJUR TAON 10:11

Madung borat boban na nilehen ni damang i tu hamu, tapi umboratan dope na giot silehenonku. Disambok ia do hamu dohot hotang, tapi anggo au giot libasonku dope hamu dohot libas-libas na marduri bosi!’ ”

2 JUJUR TAON 10:14

songon na didok ni angka halak na poso i, didok ia ma, “Madung borat boban na nilehen ni amangku tu hamu, tapi mur borat dope baenonku boban i. Disambok ia do hamu dohot hotang, tapi anggo au libasonku do hamu dohot libas-libas na marduri bosi!”

JESAYA 33:4

Rampason noma sinadongan ni halahi jana obanon gabe taban-taban.

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

JOEL 1:4

Punguan ni siapor na so taretong bahatna, songgop di ladang mamangani suan-suananna. Sanga aha na tading dibaen punguan na sada, abis muse ma i dipangan na di pudina.

JOEL 2:25

GontionKu ma sude angka taon-taonmu, i ma angka suhana. Na dung abis dibaen siapor, siapor na sompor na pangabiskon, tantarangKu na bahat na Hulehen tu tonga-tongamunu.

NAHUM 3:15

Sanga aha pe na nibaenmu, nada adong guna ni i, angke laing na mate mosok noma ho sanga mate di bagasan porang. Sude ma ho songon suan-suanan di ladang na dingatngat ni siapor. Madung sopar ho songon siapor!

NAHUM 3:17

Songon siapor do angka halak na godang sian ho, na marsiholip di angka tembok taran di ngali ni ari. Tapi dung bincar mataniari, manigor mago be ma halahi marhabangan; sahalak pe nada adong umboto sanga na tu dia halahi kehe.

LUKAS 10:19

Ingot hamu ma! Madung dijagit hamu kuaso sian Au laho mandegei ulok dohot hala, songon i muse kuaso laho manaluhon sude kuaso ni musu. Jana umpe sada na tarbaen mangkahua hamu.

PANGARATAION 8:15

Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

HALUMBAAN 9:5

Nada dipatola angka siapor i mamatehon angka jolma i, hum na mamparkanciti halahi do dipatola lima bulan honokna. Songon hancit ni na nidoit ni hala do hancit ni parkancitan na nibaen ni angka siapor i.

HALUMBAAN 9:7

Songon dia ma kudo na giot tu porang idaon angka siapor i. Di angka uluna i adong ma idaon songon tuku na sian sere. Songon bohi ni jolma do idaon tompana.

HAKIM-HAKIM 7:12

Marserak do sap di rura i halak Midian, Amalek dohot angka halak na sian parhorsihan i, songon dia ma siapor na marrongom idaon. Unto ni halahi pe santak bahatna, songon horsik na di topi ni laut idaon.