HALUMBAAN 9:10 - BIBEL JAMITA NA DENGGAN

¹⁰ Adong do lailaina dohot corotna songon hala. Jana di lailaina i do hagogoon ni halahi laho mamparkanciti jolma i di bagasan na lima bulan i.

HALUMBAAN 9:10 ပူးပေါင်းရင်းမြစ်များ

2 JUJUR TAON 10:11

Madung borat boban na nilehen ni damang i tu hamu, tapi umboratan dope na giot silehenonku. Disambok ia do hamu dohot hotang, tapi anggo au giot libasonku dope hamu dohot libas-libas na marduri bosi!’ ”

2 JUJUR TAON 10:14

songon na didok ni angka halak na poso i, didok ia ma, “Madung borat boban na nilehen ni amangku tu hamu, tapi mur borat dope baenonku boban i. Disambok ia do hamu dohot hotang, tapi anggo au libasonku do hamu dohot libas-libas na marduri bosi!”

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

LUKAS 11:12

Sanga, ra ma he hamu mangalehen hala tu dakdanakmunu, muda dipangido ia pira?

HALUMBAAN 9:19

Di pamangan ni angka kudo i do hagogoan ni halahi dohot di lailaina i. Songon ulok do angka lailaina i, adong do ulu ni halahi jana marhite ulu i ma diparkanciti halahi angka jolma i.

HALUMBAAN 9:3

Gabe marroan ma angka siapor sian timus i mijur tu portibi on. Dilehen do tu halahi kuaso songon kuaso ni angka hala.

HALUMBAAN 9:5

Nada dipatola angka siapor i mamatehon angka jolma i, hum na mamparkanciti halahi do dipatola lima bulan honokna. Songon hancit ni na nidoit ni hala do hancit ni parkancitan na nibaen ni angka siapor i.