HALUMBAAN 9:1 - BIBEL JAMITA NA DENGGAN

¹ Dung i diombus surusuruan na palimahon i ma sarunenia, jana huida ma sada bintang madabu sian langit tu portibi on. Dilehen do di bintang i kunci ni rura hamatean.

HALUMBAAN 9:1 ပူးပေါင်းရင်းမြစ်များ

JESAYA 14:12

O ale raja Babel, najolo bintang sidongdong na sumirlak do ho, hape saonnari ma pola madabu sian langit! Najolo ditaluhon ho do angka bangso, hape saonnari diompaskon ho tu tano.

LUKAS 10:18

Dialusi Jesus ma, “Huida do madabu Sibolis sian langit songon hilap.

LUKAS 8:31

Gomos ma dipangido angka tondi na jahat i, anso ulang dipaisir Jesus halahi tu banua toru.

SURAT NI SI PAULUS TU PARLAGUTAN ROM 10:7

sanga, ‘Ise ma he na giot mijur tu inganan ni halak na mate?’ (astuanna, mangalap Kristus ngot sian na mate).”

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 11:7

Dung sidung dipaboa halahi jamita ni halahi i, ro ma binatang na ruar sian rura hamatean i mangalo halahi. Taluhononnia ma halahi jana bunuonnia.

HALUMBAAN 17:8

Anggo binatang na dung niidami madung adong do i, tapi nada adong, na giot manaek ma ia sian rura hamatean anso kehe ma ia tu hamagoan. Jadi homang ma roha ni angka na maringanan di tano on, i ma angka na so tarsurat goarna di buku hangoluan sian mula-mula ni hasiangan on, muda diida halahi binatang i na dung adong, tapi nada adong, jana na giot ro muse.

HALUMBAAN 20:1

Dung i huida ma sahalak surusuruan mijur sian banua ginjang. Ditangannia tiop dibaen ia kunci ni rura hamatean dohot sada rante na godang.

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.

HALUMBAAN 6:13

Mangkadabu ma angka bintang sian langit an tu tano on songon parrurus ni batu ni gala-gala na so matobang dope sian bonana na nihutur ni alogo na gogo.

HALUMBAAN 8:10

Dung i diombus surusuruan na patoluhon i ma sarunenia, gabe madabu ma sian langit sada bintang na godang na gara songon palito, didondoni ia ma sapartolu sian angka batang aek dohot angka mual ni aek.

HALUMBAAN 8:12

Dung i diombus surusuruan na paopatkon i ma sarunenia. Gabe hona ma sapartolu mataniari i, sapartolu bulan dohot sapartolu sian angka bintang gabe mago ma sapartolu gogo ni sinondang ni halahi. Laing songon i muse sapartolu sian arian dohot sapartolu sian borngin gabe manggolap situtu.

HALUMBAAN 8:2

Dung i huida ma dilehen pitu sarune tu surusuruan na pitu na jongjong i di jolo ni Debata.

HALUMBAAN 9:2

Gabe diungkap bintang i ma rura ni hamatean i, gabe ruar ma sian bagasan songon timus ni purunan na godang. Gabe manggolap ma awang-awang i dohot mataniari dibaen timus na sian rura i.