HALUMBAAN 8:7 - BIBEL JAMITA NA DENGGAN

⁷ Diombus surusuruan na parjolo i ma sarunenia gabe songon na niduruskon ma pardoras ni udan es dohot udan api na marcampur mudar tu portibi on. Abis ma mosok sapartolu ni portibi on; songon i muse sapartolu sian angka hayu-hayu dohot duhut-duhut na rata.

HALUMBAAN 8:7 ပူးပေါင်းရင်းမြစ်များ

MASMUR 105:32

Diduruskon Ia ambolas gonti ni udan, jana diparo Ia porkas marsisoroan.

HARURUAR 9:33

Ditinggalkon si Musa ma raja i jana kehe ma ia tu balian ni kota lalu diangkat ia tangannia laho martangiang tu Tuhan. Rap maradian ma ronggur, ambolas dohot udan.

JESAYA 28:2

Suruhonon ni Tuhan ma sada halak na gogo jana na barani laho mamorangi halahi. Parronia songon alogo halingsungsung na mardongan ambolas, songon udan potir dohot banjir godang na mangayup dohot na mambaen bonom tano darat.

JESAYA 29:6

paluaon ni Tuhan Na Markuaso i kota i marhite bade dohot lalo na gogo. ParoonNia halingsungsung dohot api na marjembur-jembur.

JESAYA 30:30

Patubegehonon ni Tuhan ma soraNia na tongam i jana ganop halak hilalaonna ma hamuruhonNia na sogen i. ParoonNia ma api na mangabiskon, udan potir, ambolas dohot bade.

JESAYA 32:19

Sego ma angka harangan jana marrumpakan ma angka kota.

JEHESKIEL 38:22

UhumanKu ma ia dohot nyae masa dohot mudar na durus. DuruskononKu ma udan potir dohot ambolas, api dohot barerang tusia dohot tentarania dohot tu angka bangso na marsada dohot ia.

JOEL 2:30

PamasaonKu ma angka hahomangan di langit dohot di tano on: Mudar, jilam ni api dohot timus na marsijongjong.

JAKOBUS 1:11

Muda dung bincar mataniari di panyoro ni milasna i, gabe malos ma duhut i, marurus ma bungana i jana mago muse ma dohot hajegesonna i. Laing songon i ma halak na kayo; magopu ma ia di na mandalankon karejona i.

JOSUA 10:11

Jadi taran na maporus i halak Amori sian jolo ni tentara Israel, didabuhon Tuhan ma ambolas na godang-godang sian langit tu ginjang ni halahi salolot di dalan i lalu tu Aseka. Umbahat dope na mate dibaen ambolas i sian na hona bunu ni halak Israel.

1 PETRUS 1:24

Tarsurat do di Buku Na Badia i songon on, “Tarsongon duhut-duhut do sude jolma, jana songon bunga ni duhut i do hasangapanna. Malos ma duhut i, marurus muse ma bungana i;

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.

HALUMBAAN 16:2

Kehe ma manigor surusuruan na parjolo jana diduruskon ia ma isi ni sambongnia i tu tano. Gabe baro-baroon ma sudena sanga ise halak na maruli tanda ni binatang i dohot halak na manyomba patungna i.

HALUMBAAN 16:21

Mardabuan ma udan es na boratna lima-lima pulu kilogram, sian langit mandondoni jolma, jana diburai jolma i ma Debata hara ni parmaraan udan es i, angke na godang situtu do parmaraan i.

HALUMBAAN 6:8

Hupamanat ma, gabe haidaan ma sada kudo na langan tompana, Hamatean do goar ni na manengget i. Dipaihut-ihut Harajaan Hamatean ma ia donok sian pudi. Dipasahat ma saparopat ni tano on tu kuaso ni halahi, anso tarbaen halahi mamunu markite-hite porang, hamamasa ni haleon, markite-hite nyae dohot markite-hite angka binatang panyoro na di tano on.

HALUMBAAN 7:1

Dung i huida ma opat surusuruan jongjong di suhi-suhi na opat ni tano on manahan angin na opat i di tano on anso ulang mangombus di darat, di laut sanga tu bona ni hayu aha pe.

HALUMBAAN 9:15

Dipalua ma surusuruan na opat i. Madung dihobasi hian halahi laho mamunu sapartolu sian sude jolma manusia di jom, ari, bulan dohot taon na dung ditontuhon i hian.

HALUMBAAN 9:18

Hona bunu ma sapartolu sian jolma dibaen parmaraan na tolu i; i ma api, timus dohot barerang na ruar sian pamangan ni angka kudo i.

HALUMBAAN 9:4

Diantahi do halahi manyegohon duhut-duhut sanga hayu sanga suan-suanan na asing pe. Hum angka jolma na so martanda cap na sian Debata di bohina i sajo do na tola serangon ni halahi.