HALUMBAAN 8:3 - BIBEL JAMITA NA DENGGAN

³ Ro ma sada surusuruan na asing na maroban pardupaan sere, jongjong di jolo ni meja inganan ni haul i. Madung dilehen tusia bahat sajo hamonyan sibaenon tu angka tangiang ni sudena halak na badia jana sihaulkonon di meja parhaulan na adong ni jolo ni habangsa i.

HALUMBAAN 8:3 ပူးပေါင်းရင်းမြစ်များ

MASMUR 141:2

Jagit ma tangiangku songon haul hamonyan, tanganku na hupahortang songon haul borngin.

HARURUAR 40:26

Dipayakkon ma langgatan sere di bagasan Bandar Parmianan i, di jolo ni tire i,

JESAYA 6:6

Dung i mijur ma sada sian Serafim i tu au maroban banggar na nigampitnia sian langgatan i.

JEHESKIEL 41:22

langgatan sian hayu. Sada satonga meter gincatna jana bidangna sameter. Suhi-suhina, ojahanna dohot dingdingna i sian hayu do dibaen. Didok bayo i ma tu au, “On ma meja na di jolo ni haroroan ni Tuhan.”

AMOS 9:1

Huida ma Tuhan jongjong di lambung ni sada langgatan. Dilehen Ia ma parenta songon on, “Toko ma gogo-gogo angka ulu ni tiang i anso humutur sude emperna i. Rumpakkon angka tiang i tu ginjang ni ulu ni angka jolma i. Angka na so mate disi, Hubunu marhite podang. Sahalak pe nada tarbaen paluahon dirina; sahalak pe nada adong na malua.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

BILANGAN 4:11

Dung i pahirbangon ni halahi ma sangkarambar abit na rata langit di ginjang ni langgatan sere i jana ditutup muse dohot sangkarambar bobak na halus, dung i dipamasuk ma hayu pamorsan ni langgatan i.

LUKAS 1:10

Jadi dompak na manutung hamonyan i, martangiang ma halak na bahat di ruar, marjongjongan.

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

HALUMBAAN 10:1

Dung i huida ma sahalak surusuruan na asing mijur sian banua ginjang. Na gogo sun do surusuruan i. Dibalut ombun do ia jana halibutongan di ginjang ni ulunia. Songon mataniari do bohina i jana patna i songon tiang api.

HALUMBAAN 14:18

Dung salpu i, ro muse ma sian parkaulan i sahalak surusuruan na asing, sirajai api. Gogo ma sorania marsurak tu surusuruan na maniop sasabi na tajom i, “Paruar ma sasabi jana horoti ma angka batu ni anggur na di bagasan kobun anggur na di tano i, harana madung malamun angka batuna i!”

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HALUMBAAN 6:9

Dung i dibuka Anak Ni Biri-biri i ma cap na palimahon. Dung i huida ma di toru ni meja parhaulan i, adong angka tondi ni angka halak na mate hona bunu hara ni haporsayaan ni halahi tu jamita na sian Debata dohot hara ni haburjuon ni halahi pararatkon jamita i.

HALUMBAAN 7:2

Dung i huida ma sahalak surusuruan na asing ruar muse sian Habincaran. Dioban ia do sada cap sian Debata na mangolu i. Gogo ma sora ni surusuruan i mamiohon surusuruan na opat i na manjagit kuaso sian Debata laho manyegohon darat dohot laut i.

HALUMBAAN 8:4

Rap dohot angka tangiang ni halak na badia, martimbual ma timus ni hamonyan na nitutung i manaek sian tangan ni surusuruan i tu adopan ni Debata.

HALUMBAAN 8:5

Dung i dibuat surusuruan i ma pardupaan i jana dibaen ia ma banggar na gara tusi sian meja parkaulan i, didanggurkon ia ma i tu tano on. Mangkuling ma ronggur, ro ma hilap na sumiksak jana ro ma lalo.

HALUMBAAN 9:13

Dung i diombus surusuruan na paonomkon ma sarunenia. Gabe hubege ma sada sora na ruar sian na opat tanduk ni parkaulan sere di adopan ni Debata.