HALUMBAAN 8:10 - BIBEL JAMITA NA DENGGAN

¹⁰ Dung i diombus surusuruan na patoluhon i ma sarunenia, gabe madabu ma sian langit sada bintang na godang na gara songon palito, didondoni ia ma sapartolu sian angka batang aek dohot angka mual ni aek.

HALUMBAAN 8:10 ပူးပေါင်းရင်းမြစ်များ

2 JUJUR TAON 32:3

diputuskon ia ma dohot angka pagawenia i laho manutup angka inganan ni aek na adong di ruar ni kota i, maksudna anso ulang adong dapot angka halak Asur i aek muda lalu halahi di lambung ni Jerusalem. Bahat sajo do halak na niarahon ni angka pagawe ni si Hiskia i laho manutup sude mual ni aek na mardalan tu ruar ni kota i.

JESAYA 12:3

Jadi marjop ni roha ma hamu manimba aek sian mual haluaan.”

JESAYA 14:12

O ale raja Babel, najolo bintang sidongdong na sumirlak do ho, hape saonnari ma pola madabu sian langit! Najolo ditaluhon ho do angka bangso, hape saonnari diompaskon ho tu tano.

ZAKARIA 13:8

Dung i masa ma di sandok tano on, ninna Tuhan, mate ma dua partolu sian pangisi ni luat on.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MATEUS 25:1

“Muda ro Anak Ni Jolma i songon Tuhan, tarsongon umpama on do pangalahona: Sampulu halak bujing-bujing pandongani ni bayo pangoli na mambuat lampu laho kehe mangalo-alo bayo pangoli i.

LUKAS 10:18

Dialusi Jesus ma, “Huida do madabu Sibolis sian langit songon hilap.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.

HALUMBAAN 14:7

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

HALUMBAAN 16:4

Dung i ro ma surusuruan na patoluhon mangusehon isi ni sambongnia tu angka batang aek dohot tu angka mual, gabe mudar ma sude aekna i.

HALUMBAAN 6:13

Mangkadabu ma angka bintang sian langit an tu tano on songon parrurus ni batu ni gala-gala na so matobang dope sian bonana na nihutur ni alogo na gogo.

HALUMBAAN 8:7

Diombus surusuruan na parjolo i ma sarunenia gabe songon na niduruskon ma pardoras ni udan es dohot udan api na marcampur mudar tu portibi on. Abis ma mosok sapartolu ni portibi on; songon i muse sapartolu sian angka hayu-hayu dohot duhut-duhut na rata.

HALUMBAAN 9:1

Dung i diombus surusuruan na palimahon i ma sarunenia, jana huida ma sada bintang madabu sian langit tu portibi on. Dilehen do di bintang i kunci ni rura hamatean.

HALUMBAAN 9:15

Dipalua ma surusuruan na opat i. Madung dihobasi hian halahi laho mamunu sapartolu sian sude jolma manusia di jom, ari, bulan dohot taon na dung ditontuhon i hian.

HALUMBAAN 9:18

Hona bunu ma sapartolu sian jolma dibaen parmaraan na tolu i; i ma api, timus dohot barerang na ruar sian pamangan ni angka kudo i.

HAKIM-HAKIM 15:11

Umbege i, gabe kehe ma tolu ribu halak Juda tu liang na di dolok batu na di Etam. Didok halak ma disi tu si Simson, “Na mambaen bia dehe ho tu hami? Na so diboto ho dehe lakna bahaso na dung ro halak Pilistin mangkuasoi hita?” Dialusi si Simson ma, “Na mambaloskon na nibaen ni halahi tu au sajo do na hubaen.”