HALUMBAAN 7:9 - BIBEL JAMITA NA DENGGAN

⁹ Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.

HALUMBAAN 7:9 ပူးပေါင်းရင်းမြစ်များ

PAMUNGKAAN 13:16

LehenonKu ma di ho bahat pomparanmu, jabat nada adong sahalak pe na tarbaen mangetongsa. Songon abu na di tano i, na so adong halak na sanggup mangetongsa, laing songon i ma pomparanmu nada taretong sanga ise.

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

MASMUR 2:8

Pangido ma, gabe sandok bangso ma lehenonKu, lopus sude portibi on gabe nampunamu.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 76:4

Sumangap jana marmuliaan do Ho, sian angka dolok na adong sian narobi.

MASMUR 77:2

Dompak di hasusaan pio-pio do au tu Tuhan. Sasaborngin huangkat tanganku di na martangiang, hape nada tarapoi anggo rohangku di bagasan.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEREMIA 3:17

Goaron ma Jerusalem di hatiha i ‘Habangsa ni Tuhan’, jana marlagut ma di kota on sandok bangso laho manyomba Au. Nada be ihutkonon ni halahi giot-giot ni roha ni halahi na oto bope na jat i.

JEHESKIEL 47:5

Sanoli nari disuhat ia ma lima ratus meter nari, jana mabagastu do disi aekna i anggo boluson mardalan pat. Muda giot taripar halak disi angkon marlange noma i.

DANIEL 4:1

On ma boa-boa ni Raja Nebukadnesar na nitongosnia tu jolma sian sandok bangso, marga ni bangso dohot hata na marragam-ragam di sude portibi on: “Mur martamba-tamba ma hadameon di hamu!

DANIEL 6:25

Dung i diparentahon raja i ma anso ditangkup angka na mangaduhon si Daniel i. Jadi rap diambungkon ma halahi dohot angka dakdanak dohot angka dadaboruna tu bagasan liang ni singa i. Nada jabat lalu dope halahi tu tandolan ni liang i, manigor disoro angka singa i ma halahi jana diropuk holi-holina i.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

HAMALIMON 23:40

Di ari parjolo i ma ho mambuat parbatu ni suan-suananmu, buat muse ma angka bulung ni harambir dohot bulung sian dangka na rimbun, dung i mamungka ma pesta parayaan ugamo i laho pasangapkon Tuhan Debatamu.

ZAKARIA 10:8

PiohononKu ma bangsongKu gabe sada punguan baenonKu. Hupalua halahi jana sabahat ni na jolo baenonKu.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

JOHANNES 12:13

Dung i diparrampingkon halahi ma mare-mare, kehe ma halahi mangalo-alo Jesus. Marsurahi ma halahi, “Hosana! Dipasupasu ma Ia na ro di bagasan goar ni Tuhan, Raja ni Israel!”

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

EPESUS 6:13

Hara ni i, saonnari pake hamu ma sasudena sinjata na sian Debata anso muda dapot hatihana ro na jahat i, margogo ma hamu mangalo angka serangan ni musu i. Jana anso lopus tu ujungna dung sidung parjuangan i, laing horas torkis hamu.

IBRANI 11:12

Haru pe di hatiha i songon na so adong be idaon same na mangolu sian si Abraham, hape hum sian ia sandiri sajo do martubuan bahat pomparannia, na so taretong bahatna – songon bahat ni bintang na di langit dohot horsik na di topi ni laut.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 22:3

Jadi nada adong be disi na niburaan, angke habangsa ni Debata dohot Anak Ni Biri-biri i do di bagasan kota i, jana angka naposoNia mangoloi noma tuSia,

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 5:11

Dung i manaili ma au mangulahi. Hubege ma sora ni surusuruan na marribu-ribu dohot na marjuta-juta bahatna! Jongjong ma halahi humaliang habangsa i dohot humaliang mahluk siopat-opat i dohot angka pangituai i.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

HALUMBAAN 6:11

Dung i dilehen ma tu halahi sada be baju juba na bontar. Dung i disuru ma halahi maradian santongkin nari, painte gok bilangan ni angka aleale ni halahi saparjuangan dohot angka dongan ni halahi na hona bunu songon halahi.

HALUMBAAN 7:8

Zebulon, Josep, Benyamin.