HALUMBAAN 7:4 - BIBEL JAMITA NA DENGGAN

⁴ Jadi hubege do bilangan ni angka na ni cap i, 144.000 halak sian sude marga ni halak Israel i

HALUMBAAN 7:4 ပူးပေါင်းရင်းမြစ်များ

PAMUNGKAAN 15:5

Dioban Ia ma si Abram tu ruar jana didok Ia ma tusia, “Tatap ma tu langit, jana etongi ma jolo angka bintang i: Songon i ma bahat ni pomparanmu sogot.”

HARURUAR 28:21

Di batu intan na dua bolas i angkon nigorgahon do sada be goar ni anak ni si Jakob na dua bolas i, laho mangwakili angka marga ni Israel.

JEHESKIEL 47:13

Didok Tuhan Debata i ma, “On ma batas-batas ni tano na giot bagi-bagion tu angka marga ni Israel na dua bolas i. Horong Josep manjagit dua bagian.

JEHESKIEL 48:19

Tola do sian sude marga-marga ni Israel mangkarejohon tano i.

ZAKARIA 9:1

On ma tona ni Tuhan dompak tano Hadrak, jana maradian di Damaskus. Harana Tuhan do nampuna angka kota Aram dohot sude angka marga ni Israel.

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

LUKAS 14:22

Didok naposo i ma, ‘Madung nipalalu parenta ni tuan i, tapi laing bahat dope inganan na so marisi.’

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

BAENON NI ANGKA RASUL 26:7

Laing parjanjian i do na nipainte-inte ni halak Israel na dua bolas marga i umbaen na marsitutu halahi marsomba tu Debata arian dohot borngin. Hape hara ni na huhaporsayai janji i, gabe dipasala halak Jahudi ma au.

SURAT NI SI PAULUS TU PARLAGUTAN ROM 9:27

Torang do didok Panurirang Jesaya taringot tu halak Israel, “Haru pe sabahat ni horsik na di topi ni laut bilangan ni bangso Israel, hum saotik do i sipaluaon;

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

HALUMBAAN 7:5

sian ganop marga dibuat ma 12.000 halak. I ma sian marga-marga: Juda, Ruben, Gat,

HALUMBAAN 9:16

Dipaboa do tu au, anggo bahat ni angka parangan na markudo i adong do dua ratus juta bahatna.