HALUMBAAN 6:5 - BIBEL JAMITA NA DENGGAN

⁵ Dung i dibuka Anak Ni Biri-biri i ma cap na patoluhon. Jana hubege ma mahluk na mangolu na patoluhon i mandok, “Ro ma ho!” ning ia. Hupamanat ma, gabe huida ma sada kudo na lomlom. Ditiop na manengget i ma sada timbangan di tangannia.

HALUMBAAN 6:5 ပူးပေါင်းရင်းမြစ်များ

ANDUNG 5:10

Marun pamatangnami hara ni na malean, milas huling-hulingnami songon na di parapian.

JEHESKIEL 4:10

Angkon bagi-bagionmu ma roti i anso tuk di ho ganop ari 230 gram sajo. Nada tola lobi sian i.

JEHESKIEL 4:16

Dung i didok Ia muse, “Ale jolma parsantongkinan, abis baenonKu bohal simpanan na di Jerusalem. Mardongan biar dohot ganggu ni roha antaraan ni angka jolma noma mangankon sipanganonna dohot minum aek siinumonna.

HAMALIMON 26:26

Gabe sude ma balanjomunu, jabat sampulu dadaboru mangalompa di sada tataring pamasakkon roti na adong di halahi. Dibagi dos panganon i, dung i dilehen di hamu, hape sai tongtong male hamu.

ZAKARIA 6:2

Kareta na parjolo ditarik kudo na rara, kareta paduahon ditarik kudo na lomlom,

ZAKARIA 6:6

Kehe ma kareta porang na nitarik ni kudo na lomlom i sabola tu Utara adop Babel. Kudo na bontar i kehe adop Hasundutan jana kudo sibolang i kehe adop Selatan.”

MATEUS 24:7

Marporang ma bangso na sada maralohon bangso na asing. Sanga di dia pe, masa ma haleon potir dohot lalo.

HALUMBAAN 5:5

Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

HALUMBAAN 6:1

Dung i huida ma dibuka Anak Ni Biri-biri i cap na parjolo sian angka cap na pitu i. Dung i hubege ma sada sian mahluk na opat i mandok, “Ro ma ho!” ning ia. Songon sora ni ronggur noma begeon sorana i.