HALUMBAAN 5:9 - BIBEL JAMITA NA DENGGAN

⁹ Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

HALUMBAAN 5:9 ပူးပေါင်းရင်းမြစ်များ

MASMUR 144:9

Endehononku ma di Ho logu na imbaru, ale Debata, jana piltihonku ma hasapi na martali sampulu.

MASMUR 149:1

Endehon ma ende na imbaru di Tuhan, puji ma Ia di tonga-tonga ni parluhutan ni bangsoNia!

MASMUR 33:3

Endehon ma ende na imbaru di Tuhan, denggan baen pamiltik ni hasapi i, jana marsurak ma marjop ni roha!

MASMUR 40:3

Diajari Ia do au mangendehon logu na imbaru, logu na mamuji Debatanta. Bahat do halak midasa jana gabe mabiar, gabe manghaporsayai Tuhan.

MASMUR 96:1

Endehon ma logu na imbaru di Tuhan! O hamu portibi sudena, marende ma hamu di Tuhan.

MASMUR 98:1

Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

DANIEL 3:4

mangkuling ma wakil ni raja marsora na gogo, “Hamu angka dongan sian sandok bangso, sian marga ni bangso dohot na marhata na marragam-ragam. Tangihon hamu ma parenta ni rajanta on:

DANIEL 4:1

On ma boa-boa ni Raja Nebukadnesar na nitongosnia tu jolma sian sandok bangso, marga ni bangso dohot hata na marragam-ragam di sude portibi on: “Mur martamba-tamba ma hadameon di hamu!

DANIEL 5:19

Songon i ma antong godangnia, jabat do angka jolma sian sandok bangso, marga ni bangso dohot hata na marragam-ragam, humitir jana mabiar tusia. Muda por rohania mamunu jolma, dibunu ia sajo do halakna i. Dipasangap sanga dipalayas ia do sanga na ise sajo giot ni rohania.

DANIEL 6:25

Dung i diparentahon raja i ma anso ditangkup angka na mangaduhon si Daniel i. Jadi rap diambungkon ma halahi dohot angka dakdanak dohot angka dadaboruna tu bagasan liang ni singa i. Nada jabat lalu dope halahi tu tandolan ni liang i, manigor disoro angka singa i ma halahi jana diropuk holi-holina i.

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

1 KORINTUS 6:20

Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

1 KORINTUS 7:23

Na nitobus ni Debata do hamu jana madung lunas do dibaen Ia. Hara ni i, ulang be pasahat hamu dirimunu gabe hatoban ni jolma.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

KOLOSSE 1:14

Di bagasan Ia do adong di hita haluaan, i ma hasesaan ni dosa.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 11:14

Sanga ise na mandok songon i, tangkas do dipatuduhon halahi, na manjalahi luat na gabe inganan na hot do halahi.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

HALUMBAAN 10:11

Dung i ning ia ma tu au, “Angkon mangulahi do ho manyurirangi tu bahat marga, dohot bangso, dohot bahasa dohot angka raja.”

HALUMBAAN 11:9

Paligi-ligion ni halak ma sude, sian ganop marga, ganop bangso, ganop bahasa dohot negara bangke ni halahi tolu satonga ari honokna jana nada dipatola tanomon angka bangke i.

HALUMBAAN 13:7

Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 14:6

Dung i huida ma sada surusuruan na asing habang gincat di langit. Dioban surusuruan i do barita taringot tu Jamita Na Denggan na manongtong i sipalaluon tu jolma na di tano on; i ma tu sude bangso, marga, bahasa dohot negara.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 17:15

Dung i didok ia ma tu au, “Sude aek i, na niidamu juguhan ni panggampang i, i ma angka bangso dohot halak na bahat, angka marga dohot bahasa.

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”

HALUMBAAN 5:12

Dung i digogoi halahi ma sora ni halahi marende, “Anak Ni Biri-biri na dung nisambol i, Ia do na markuaso; na mora na bisuk jana na gogo; na patut nipasangap, nipagodang jana nipuji-puji!”

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.