HALUMBAAN 5:6 - BIBEL JAMITA NA DENGGAN

⁶ Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.

HALUMBAAN 5:6 ပူးပေါင်းရင်းမြစ်များ

2 JUJUR TAON 16:9

Dijagoi Tuhan do sandok portibi on jana dipatuduhon Ia do hagogooanNia tu angka jolma na setia tuSia. Di pambaenanmi dipataridahon ho do ho na bodo, patunda ni i, mamungka saonnari sai marpupu noma ho mangalami parporangan.”

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

DANIEL 8:3

jana tarida ma di topi ni batang aek i sada biri-biri jantan na martanduk dua na ginjang, guminjang na sada jana tanduk na parpudi tubu i do na guminjang.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

HABAKUK 3:4

Ro do Ho mardongan sinondang na torang, sian tanganMu ruar do sondang na godang, disi do buni hagogoonNa.

ZAKARIA 3:9

Hupayakkon ma di jolo ni si Josua pitu mata di ginjang ni batu na sasada i, na giot gorgaonKu dohot surat, ninna Tuhan Na Markuaso. Jana apuskononKu ma dosa ni luat on di bagasan sadari.

LUKAS 1:69

Dilehen Ia do di hita tanduk haluaan, di bagasan pomparan ni si Daud, naposoNia.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 1:36

Dung diida ia Jesus mamolus disi, ning ia ma, “Ligi ma, Anak Ni Biri-biri Ni Debata!”

BAENON NI ANGKA RASUL 8:32

On ma ayat na nisisenia i, “Songon biri-biri na niiring tu panyambolan do Ia, songon anak ni biri-biri na hohom di na nigusting imbuluna, songon i ma Ia umpe sangkababa hata didok Ia.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 21:22

Nada huida Bagas Na Badia di bagasan kota i, angke Tuhan Debata Parkuaso Na Sumurung i sandiri do Bagas Na Badia, songon i muse Anak Ni Biri-biri i.

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

HALUMBAAN 22:3

Jadi nada adong be disi na niburaan, angke habangsa ni Debata dohot Anak Ni Biri-biri i do di bagasan kota i, jana angka naposoNia mangoloi noma tuSia,

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

HALUMBAAN 5:11

Dung i manaili ma au mangulahi. Hubege ma sora ni surusuruan na marribu-ribu dohot na marjuta-juta bahatna! Jongjong ma halahi humaliang habangsa i dohot humaliang mahluk siopat-opat i dohot angka pangituai i.

HALUMBAAN 5:12

Dung i digogoi halahi ma sora ni halahi marende, “Anak Ni Biri-biri na dung nisambol i, Ia do na markuaso; na mora na bisuk jana na gogo; na patut nipasangap, nipagodang jana nipuji-puji!”

HALUMBAAN 5:13

Dung i hubege ma sasude mahluk na di langit, na di tano dohot na di bagasan laut – pendekna sudena mahluk na adong di portibi on – mangendehon, “Na juguk di habangsa i dohot Anak Ni Biri-biri i na tarpuji dohot sipasangapon jana na godang bope na markuaso salolot-lolotna!”

HALUMBAAN 5:14

Dung i mangalusi ma mahluk siopat-opat i, “Amen” ning halahi. Jana manungkap ma angka pangituai i laho marsomba.

HALUMBAAN 6:16

Marsurak ma halahi tu angka dolok i dohot tu angka batu i, “Dondoni ma hami! Linggomi ma hami anso ulang hami ida bohi ni na juguk di habangsa i jana ulang hona muruk hami dibaen Anak Ni Biri-biri i!

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”