HALUMBAAN 5:5 - BIBEL JAMITA NA DENGGAN

⁵ Dung i adong ma sahalak sian angka pangituai i na mandok tu au, “Ulang ho tangis! Ligi ma! Madung monang singa na sian horong ni si Juda i, i ma pomparan ni si Daud. Tama do Ia mambuka cap na pitu i dohot mangungkap gulungan ni buku i.”

HALUMBAAN 5:5 ပူးပေါင်းရင်းမြစ်များ

2 JUJUR TAON 9:18

Adong onom anak ni tangga ni karosi i. Dilampis do sidege-degeanna i dohot sere jana gabe sada do i dohot karosi i. Martangan-tangan do karosi i jana angkup bariba adong patung ni singa.

JOB 41:15

Tanggurungna i sai songon parsusun ni parince rapet maradu togu, pirna songon batu.

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JEREMIA 31:16

Antak ma da na tangis i jana pahiang ilu ni matami! Nada magopo halolojamu tu dakdanakmi. Jagitonmu do tumbasna marmulahan do dakdanakmi sian tano ni musu.

DANIEL 7:16

Jadi hupadonok ma tu sada halak na jongjong disi jana hupangido ma hatorangan ni sudena i. Jadi dipaboa ia ma tu au artina.

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

LUKAS 23:28

Ditailihon Jesus ma tu halahi jana didok Ia ma, “Hamu angka boru Jerusalem! Ulang ma tangisi hamu Au. Dirimunu sandiri dohot angka dakdanakmunu ma tangisi hamu.

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

LUKAS 8:52

Martangisan ma sude halak jana marsak be rohana hara ni parmate ni dakdanak i. Mandok hata ma Jesus, “Ulang hamu tangis. Inda na mate dakdanak on. Hum na modom do i!”

JOHANNES 20:13

Disapai surusuruan i ma tu si Maria, “Biasi tangis ho inang?” ninna halahi. Dialusi si Maria ma, “Madung dibuat halak Tuhanku hape nada huboto sanga na tu dia dibaen halahi.”

SURAT NI SI PAULUS TU PARLAGUTAN ROM 1:3

Jamita Na Denggan taringot tu Anak Ni Debata i, i ma Tuhanta Jesus Kristus na sorang sian pomparan ni si Daud mangihutkon hajolmaon,

SURAT NI SI PAULUS TU PARLAGUTAN ROM 15:12

Jana didok si Jesaya dope songon on, “Ro ma sada halak sian pomparan ni si Isai, parentaonNia ma angka bangso; mararop ni roha tuSia angka bangso i.”

IBRANI 7:14

Sude do halak mamboto i, na sian Marga Juda do anggo asal ni Tuhanta i; jana si Musa pe nada jungada didok ia marga on muda hatiha manaringoti angka malim ia.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

HALUMBAAN 22:16

“Au, Jesus, madung Hutongos surusuruanKu tu hamunu anso dipaboa ia taringot tu pangalaho on laho manyarihon angka parlagutan i. Pomparan ni si Daud do Au; Au ma bintang sidongdong na torang i.”

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

HALUMBAAN 4:10

manungkap ma pangituai na dua pulu opat i di jolo ni na juguk di habangsa i, marsomba tuSia na mangolu i salolot-lolotna. Dung i dipayakkon halahi ma tuku ni halahi i tu jolo ni habangsa i jana ninna halahi ma,

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 5:4

Gabe tangis ma au panguncombopon hara ni na so adong halak na sanggup mangungkap balunan ni karotes i jana mangaligi tu bagasanna.

HALUMBAAN 6:1

Dung i huida ma dibuka Anak Ni Biri-biri i cap na parjolo sian angka cap na pitu i. Dung i hubege ma sada sian mahluk na opat i mandok, “Ro ma ho!” ning ia. Songon sora ni ronggur noma begeon sorana i.

HALUMBAAN 7:13

Ro ma sahalak sian pangituai i manyapai tu au, “Ise do angka halak na mamake baju juba na bontar on jana sian dia dehe halahi ro?”