HALUMBAAN 5:11 - BIBEL JAMITA NA DENGGAN

¹¹ Dung i manaili ma au mangulahi. Hubege ma sora ni surusuruan na marribu-ribu dohot na marjuta-juta bahatna! Jongjong ma halahi humaliang habangsa i dohot humaliang mahluk siopat-opat i dohot angka pangituai i.

HALUMBAAN 5:11 ပူးပေါင်းရင်းမြစ်များ

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

MASMUR 103:20

Puji ma Tuhan, hamu ale angka surusuruan na marsahala, na manangihon dohot na mangoloi parentaNa.

MASMUR 148:2

Puji ma Ia, hamu sude angka surusuruanNia, puji ma Ia, hamu sandok tentara ni banua ginjang!

MASMUR 68:17

Mardongan angka kareta na togu, bahatna marpulu ribu, ro ma Tuhan sian Sinai tu ingananNa Na Badia i.

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

JUDAS 1:14

Jungada do didok si Henokh pomparan ni si Adam na papitu sundutkon taringot tu halak sisongon on. Didok ia, “Ligi da, na giot ro do Tuhan mardongan angka surusuruanNia na marribu-ribu

HALUMBAAN 19:6

Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 4:6

Jana laing adong muse dope di jolo ni habangsa i tarsongon laut sorminan, lan songon kristal. Adong muse do opat mahluk humaliang habangsa na di tonga-tonga i, na marmata sian jolo dohot sian pudi.

HALUMBAAN 5:14

Dung i mangalusi ma mahluk siopat-opat i, “Amen” ning halahi. Jana manungkap ma angka pangituai i laho marsomba.

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HALUMBAAN 7:11

Jadi jongjong ma angka surusuruan i humaliang habangsa i dohot humaliang angka pangituai i dohot humaliang mahluk na opat i. Manungkap ma angka surusuruan i di jolo ni habangsa i manyomba Debata.

HALUMBAAN 9:16

Dipaboa do tu au, anggo bahat ni angka parangan na markudo i adong do dua ratus juta bahatna.