HALUMBAAN 5:1 - BIBEL JAMITA NA DENGGAN

¹ Dung i huida ma di siamun ni na juguk di ginjang ni habangsa i sada pustaha na marsurat di bagasan dohot di luar, jana na nicap dohot pitu cap.

HALUMBAAN 5:1 ပူးပေါင်းရင်းမြစ်များ

JESAYA 29:11

Buni ma di hamu arti ni sandok parnidaan, songon buku na nicap. Muda dioban ho tu halak na malo manyise, jana dipangido ho anso disise ia di ho, dokkononnia ma, nada malo au, angke dicap do antong buku i.

JESAYA 34:16

Jalahi jana sise hamu ma Buku Ni Tuhan. Sada pe sian angka mahluk na mangolu i nada adong na mago sanga na so marpasangan. Songon i do parenta ni Tuhan, harana Tondi Ni Tuhan sandiri do na palagutkon halahi.

JESAYA 8:16

Hamu angka siseanku, angkon jagoonmunu jana momosanmunu do angka tona na nilehen ni Debata tu au.

DANIEL 8:26

Parnidaan taringot tu haul potang ari dohot manyogot i na dung dipatorang tu ho, situtu do i angkon masa. Tapi honok dope anso masa i; jadi tabunihonma jolo i.”

ZAKARIA 5:1

Hupamanat ma mangulahi, jana huida ma balunan ni pustaha na habang di awang-awang i.

HALUMBAAN 10:2

Adong ma di tanganna i sada balunan buku na menek na ungkap. Patnia siamun i mandege laut, jana patnia siambirang i mandege darat.

HALUMBAAN 4:3

Marsinondang do bohi ni na juguk i, songon intan Jaspis dohot Sardes idaon. Adong muse do halibutongan humaliang habangsa i songon zamrud.

HALUMBAAN 4:9

Diendehon mahluk siopat-opat i ma angka logu ni ende na pasangapkon jana na marmulia dohot na mandok tarimakasi tu na juguk di habangsa i, i ma na mangolu i salolot-lolotna. Jana di na marende i angka mahluk i,

HALUMBAAN 5:13

Dung i hubege ma sasude mahluk na di langit, na di tano dohot na di bagasan laut – pendekna sudena mahluk na adong di portibi on – mangendehon, “Na juguk di habangsa i dohot Anak Ni Biri-biri i na tarpuji dohot sipasangapon jana na godang bope na markuaso salolot-lolotna!”

HALUMBAAN 5:7

Dung i ro ma Anak Ni Biri-biri i tu jolo jana dibuat Ia ma buku na nibalun i sian tangan siamun ni na juguk di habangsa i.

HALUMBAAN 6:1

Dung i huida ma dibuka Anak Ni Biri-biri i cap na parjolo sian angka cap na pitu i. Dung i hubege ma sada sian mahluk na opat i mandok, “Ro ma ho!” ning ia. Songon sora ni ronggur noma begeon sorana i.

HALUMBAAN 6:16

Marsurak ma halahi tu angka dolok i dohot tu angka batu i, “Dondoni ma hami! Linggomi ma hami anso ulang hami ida bohi ni na juguk di habangsa i jana ulang hona muruk hami dibaen Anak Ni Biri-biri i!

HALUMBAAN 8:1

Di na niungkap ni Anak Ni Biri-biri i cap na papituhon i, gabe mamolngit ma banua ginjang i hira-hira satonga jom.