HALUMBAAN 4:8 - BIBEL JAMITA NA DENGGAN

⁸ Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

HALUMBAAN 4:8 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

MASMUR 91:1

Sanga ise na marlinggom tu Na Gumincat i, jana maringanan di bagasan pangondian ni Na Markuaso i,

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

JESAYA 13:6

Mangandungi ma hamu, angke madung donok ari ni Tuhan i. Di ari i, paroon ni Tuhan Na Gumincat i ma hamagoan.

JESAYA 62:1

Hara ni Sion au giot mandok hata, hara ni Jerusalem giot torus au marusaho lopus torang marsinondang hamonangannia, jana haluaannia songon obor di borngin ni ari.

JEHESKIEL 1:18

Sap do mata ni angka lingkaran ni roda i.

JEHESKIEL 1:5

Laing ditonga-tonga ni halingsungsung i muse, huida ma na mangolu tarsongon jolma idaon,

JEHESKIEL 1:6

tapi adong do opat be bohina jana dua pasang habongna.

JEHESKIEL 10:12

Sude pamatang ni halahi, tanggurungna, tanganna, habongna dohot angka roda-rodana i sap do dohot mata.

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

BAENON NI ANGKA RASUL 20:31

Jadi hara ni i, marjago-jago ma hamu! Ingot hamu ma, tolu taon honokna arian na borngin mardongan ilu-ilu nada maradian au mangajari hamu pasada-sada.

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TIMOTEUS 4:16

Jagohon ma dirimu jana jagohon muse ma dohot pangajaranmu. Burju ma ho patuluskon i sudena, angke muda songon i, dipalua ho do dirimu sandiri bope angka halak na manangihon ho.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

HALUMBAAN 11:17

Ninna halahi ma, “Debata Na Markuaso do Tuhan, mandok tarimakasi do hami tu Ho, ale Tuhan Debata Parkuaso Na Sumurung, na adong dohot na dung adong, dibaen madung dipake Ho kuasoMu na godang i, jana madung dipungka Ho pamarentaanMu.

HALUMBAAN 14:11

Martimbual ma timus ni api parkancitan ni angka jolma i salolot-lolotna. Nada marnamantak be hona parkancitan halahi arian dohot borngin, i ma angka halak na manyomba binatang i dohot patungna i, dohot sasudena halak na maruli tanda goar ni binatang i.”

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 15:7

Dung i ro ma sada sian mahluk na opat i mangalehen tu surusuruan na pitu i, pitu sambong sere na bubung marisi haririmas ni Debata, – Debata na mangolu i salolot-lolotna.

HALUMBAAN 16:14

Angka i ma tondi ni setan na mambaen angka tanda hahomangan. Kehe ma tondi na tolu i mandapotkon angka raja na satano on jana dipalagut ma halahi sudena laho marporang di ari na godang ni Debata Parkuaso Na Sumurung i.

HALUMBAAN 16:7

Hubege ma sada sora sian inganan parkaulan i. Didok sora i ma, “Sintong jana tigor do sudena haputusan na nibaenMi, ale Tuhan Debata Parkuaso Na Sumurung.”

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 19:4

Jadi gabe manungkap ma pamimpin sidua pulu opat halak i dohot mahluk siopat-opat na humaliang habangsa i jana marsomba ma halahi tu Debata na juguk di habangsa i. Ninna halahi ma, “Amen! Haleluya!”

HALUMBAAN 21:22

Nada huida Bagas Na Badia di bagasan kota i, angke Tuhan Debata Parkuaso Na Sumurung i sandiri do Bagas Na Badia, songon i muse Anak Ni Biri-biri i.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 4:6

Jana laing adong muse dope di jolo ni habangsa i tarsongon laut sorminan, lan songon kristal. Adong muse do opat mahluk humaliang habangsa na di tonga-tonga i, na marmata sian jolo dohot sian pudi.

HALUMBAAN 4:9

Diendehon mahluk siopat-opat i ma angka logu ni ende na pasangapkon jana na marmulia dohot na mandok tarimakasi tu na juguk di habangsa i, i ma na mangolu i salolot-lolotna. Jana di na marende i angka mahluk i,

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.

HALUMBAAN 6:1

Dung i huida ma dibuka Anak Ni Biri-biri i cap na parjolo sian angka cap na pitu i. Dung i hubege ma sada sian mahluk na opat i mandok, “Ro ma ho!” ning ia. Songon sora ni ronggur noma begeon sorana i.

HALUMBAAN 6:6

Jadi hubege ma tarsongon sora na pio-pio sian tonga-tonga ni mahluk siopat-opat i. Ninna sora i ma, “Satuhul eme argana sabahat ni upa sadari jana tolu tuhul jaung pe argana tong sabahat ni upa sadari. Tapi ulang nisego-sego angka miak dohot anggur!”

HALUMBAAN 7:11

Jadi jongjong ma angka surusuruan i humaliang habangsa i dohot humaliang angka pangituai i dohot humaliang mahluk na opat i. Manungkap ma angka surusuruan i di jolo ni habangsa i manyomba Debata.

HALUMBAAN 7:15

I ma umbaen na tola halahi jongjong di adopan ni habangsa ni Debata jana mangoloi Ia arian na borngin di bagasan Bagas Na Badia. Jana rap ma Ia na juguk di habangsa i dohot halahi laho mangondihon halahi.