HALUMBAAN 4:7 - BIBEL JAMITA NA DENGGAN

⁷ Songon singa do idaon tompa ni mahluk na parjolo i. Na paduahon, songon anak ni lombu. Na patoluhon i, songon bohi ni jolma do idaon. Na paopatkon i, songon halihi na habang do idaon.

HALUMBAAN 4:7 ပူးပေါင်းရင်းမြစ်များ

PAMUNGKAAN 49:9

Songon singa do si Juda. Matehononna do soroanna, jana mulak tu asarna, marngeat ma ia lalu modom-modom. Nada adong umpe sahalak na puluk paorotkon ia.

2 SAMUEL 1:23

Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

PODA 28:2

Marpupu margonti do raja ni bangso pardosa; sai hot do marbungaran anggo bangso na marraja na marroha.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

JEHESKIEL 1:10

Ganop mahluk na songon jolma i adong be opat bohina na paasing-asing: Tompa ni jolma di jolo, tompa ni singa sabola siamun, tompa ni lombu sabola siambirang jana tompa ni rajawali sian pudi.

JEHESKIEL 1:8

Tamba ni bohina na opat i dohot habongna na dua pasang i, adong muse do songon tangan ni jolma di toru ni sude habongna i.

JEHESKIEL 10:14

Adong do opat be bohi ni kerub i, na paasing-asing tompana. Bohi na parjolo, i ma tompa ni kerub, na paduahon tompa ni jolma, na patoluhon tompa ni singa, jana na paopatkon tompa ni rajawali.

JEHESKIEL 10:21

Opat be bohi ni kerub i, dua pasang habongna jana adong dope sada na tarsongon tangan ni jolma di toru ni angka habongna i.

DANIEL 7:4

Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.

OBAJA 1:4

Haru dibaen ho pe bagasmu songon gincat ni asar ni unggas rajawali jana gincat ni angka bintang di langit, laing bisa Au do mangarumpakkon i.”

BILANGAN 23:24

Suman do halak Israel tu singa na gogo; manyosop mudar ni musuna na disoro, salolot so songon i nada ra ia marongok.”

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

PANGARATAION 28:49

Paroon ni Tuhan ma sada bangso na so mangarti ho hatana, sian ujung ni tano on laho mangalo ho. Songon rajawali do halahi manyoro ho.

HALUMBAAN 4:6

Jana laing adong muse dope di jolo ni habangsa i tarsongon laut sorminan, lan songon kristal. Adong muse do opat mahluk humaliang habangsa na di tonga-tonga i, na marmata sian jolo dohot sian pudi.

HALUMBAAN 6:3

Dung i dibuka Anak Ni Biri-biri i ma cap na paduahon jana hubege ma didok mahluk na paduahon i, “Ro ma ho!” ning ia.

HALUMBAAN 6:5

Dung i dibuka Anak Ni Biri-biri i ma cap na patoluhon. Jana hubege ma mahluk na mangolu na patoluhon i mandok, “Ro ma ho!” ning ia. Hupamanat ma, gabe huida ma sada kudo na lomlom. Ditiop na manengget i ma sada timbangan di tangannia.

HALUMBAAN 6:7

Dung i dibuka Anak Ni Biri-biri i ma cap na paopatkon. Jana hubege ma didok mahluk na mangolu na paopatkon i, “Ro ma ho!” ning ia.