HALUMBAAN 4:10 - BIBEL JAMITA NA DENGGAN

¹⁰ manungkap ma pangituai na dua pulu opat i di jolo ni na juguk di habangsa i, marsomba tuSia na mangolu i salolot-lolotna. Dung i dipayakkon halahi ma tuku ni halahi i tu jolo ni habangsa i jana ninna halahi ma,

HALUMBAAN 4:10 ပူးပေါင်းရင်းမြစ်များ

1 JUJUR TAON 29:20

Dung ditangianghon ia songon i didok si Daud ma tu halak na bahat na marlagut disi, ning ia ma, “Puji hamu ma Tuhan Debatamunu i!” Jadi dipuji halahi ma Tuhan, Debata na nisomba ni angka ompu ni halahi i. Manungkap ma halahi pasangapkon Tuhan dohot raja i.

2 JUJUR TAON 7:3

Di na niida ni rayat ni Israel i mijur api sian langit dohot sinondang ni haroro ni Tuhan manggohi Bagas Ni Tuhan i, manungkap ma halahi tu lante i lalu marsomba dohot mamuji Debata, hara ni dengganNia dohot holong ni rohaNia na manongtong i sapanjangna.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

MASMUR 115:1

Nada hami ale Tuhan, nada hami, tapi hum Ho sajo do angkon dipuji, angke setia do Ho jana tongtong manghaholongi.

MASMUR 47:8

Juguk di habangsoNa Na Badia do Debata, diparenta Ia angka bangso.

MASMUR 72:11

Marsomba ma sude raja di adopannia, jana sude bangso ma mangoloi ia.

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

JESAYA 6:1

Di taon hamamate ni Raja Usia, huida ma Tuhan. Juguk do Ia di ginjang ni habangsaNia na gincat jana marmulia. Digohi ujung ni jubaNia i do Bagas Na Badia i.

DANIEL 12:7

Dung i hubege ma sora ni bayo na marbaju linen na jongjong di julu ni batang aek i jana diangkat ia ma tangannia siamun dohot si ambirang adop ginjang anso marsumpa ma ia tu Debata na manongtong i: Sada hatiha dua hatiha dohot satonga hatiha dung abis kuaso ni na mamparkanciti bangso na badia i, marujung muse ma angka na masa i.

DANIEL 4:34

“Dung salpu hatiha sipitu taon i, hupadorgak ma tu langit gabe sumuang ma torang rohangku. Jadi hupuji ma Na Gumincat i. Hupasangap jana hupagodang ma na Tongtong Mangolu i, Mamarenta noma Debata salolot-lolotna. Markuaso do Ia sapanjangna.

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

LUKAS 24:52

Dung i tungkap ma halahi marsomba tuSia, lalu mulak ma halahi tu Jerusalem mardongan jop ni roha situtu.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

PANGARATAION 32:40

Au do satutuna na mangolu, Au do Debata, Huangkat tanganKu laho marsumpa,

HALUMBAAN 10:6

Marsumpa ma ia mangasahon goar ni Debata na mangolu i salolot-lolotna, na manompa langit, tano dohot laut bope sasudena na adong di langit, di tano dohot na di laut i. Didok surusuruan i ma, “Nada palambaton be hatihana!

HALUMBAAN 11:16

Angka pamimpin sidua pulu opat halak na juguk di habangsa ni halahi na di jolo ni Debata i pe, manungkap ma jana marsomba tu Debata.

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 15:7

Dung i ro ma sada sian mahluk na opat i mangalehen tu surusuruan na pitu i, pitu sambong sere na bubung marisi haririmas ni Debata, – Debata na mangolu i salolot-lolotna.

HALUMBAAN 19:4

Jadi gabe manungkap ma pamimpin sidua pulu opat halak i dohot mahluk siopat-opat na humaliang habangsa i jana marsomba ma halahi tu Debata na juguk di habangsa i. Ninna halahi ma, “Amen! Haleluya!”

HALUMBAAN 4:2

Manigor digohi Tondi Parbadia ma au. Huida ma di banua ginjang i sada habangsa. Adong do halak na juguk di habangsa i.

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 4:9

Diendehon mahluk siopat-opat i ma angka logu ni ende na pasangapkon jana na marmulia dohot na mandok tarimakasi tu na juguk di habangsa i, i ma na mangolu i salolot-lolotna. Jana di na marende i angka mahluk i,

HALUMBAAN 5:14

Dung i mangalusi ma mahluk siopat-opat i, “Amen” ning halahi. Jana manungkap ma angka pangituai i laho marsomba.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HALUMBAAN 7:11

Jadi jongjong ma angka surusuruan i humaliang habangsa i dohot humaliang angka pangituai i dohot humaliang mahluk na opat i. Manungkap ma angka surusuruan i di jolo ni habangsa i manyomba Debata.