HALUMBAAN 3:4 - BIBEL JAMITA NA DENGGAN

⁴ Tapi adong dope deba sian hamu na di Sardis on na manjagohon pakeanna anso laing tongtong ias. Rap mardalan ma halahi dohot Au marpakean na bontar, angke tama do songon i halahi.

HALUMBAAN 3:4 ပူးပေါင်းရင်းမြစ်များ

1 RAJA-RAJA 19:18

Tapi malua do baenonKu pitu ribu halak di Israel, i ma angka halak na tongtong mangoloi Au jana na so jungada marsomba gana-ganaan ni Baal sanga mangummasa.”

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

MASMUR 68:14

Mijur ma salju sian Dolok Salmon di na nipasarak ni Na Markuaso i angka raja-raja disi.

PARJAMITA 9:8

Padiar ma jeges bohimu jana tata.

JESAYA 1:9

Sugari sura nada dipalua Tuhan Na Markuaso i piga-piga halak, anggo Jerusalem i madung mago sude, sarupa tu Sodom dohot Gomora.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JESAYA 64:6

Halak na hodar do hami sude, salang hadengganannami pe hodar boti dursun muse, songon bulung-bulung na malos diombuskon alogo, hara ni hajahatannami sandiri, hami pe mago.

HAMALIMON 13:48

sanga angka sipaulion gabe barang pakean sian bobak.

MATEUS 10:11

Jadi muda lalu do hamu tu sada kota sanga huta, jalahi hamu ma manigor disi sanga ise na ra manjagit hamu. Disi ma hamu manompang lopus kehe hamu sian i.”

MARKUS 16:5

Dung i masuk ma halahi tu bagasan kuburan i. Di bagasan, sabola siamun, diida halahi ma juguk sada doli-doli. Mamake baju juba na bontar bayo i, gabe tarsonggot ma halahi.

LUKAS 20:35

tapi anggo angka jolma na patut dipangoluon mangulahi dung mate jana na mangolu saulahon, nada marbagas halahi jana nada dipabagas.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

BAENON NI ANGKA RASUL 1:15

Disada hatiha marlagut ma halahi, – hira-hira saratus dua pulu halak ma na ro i – jongjong ma si Petrus mandok hata. Ning ia ma,

2 TESSALONIKA 1:5

Dison ma tarida sanga na bia tigorna Uhum Ni Debata: Manaon parkancitan do hamu hara ni Harajaan Ni Debata, jadi etongon ma hamu songon halak na patut masuk tusi.

JUDAS 1:23

Palua hamu ma halak sian api. Maradopkon angka halak na asing sian i pe laing maribo ni roha ma hamu mardongan biar, tapi hagigihon hamu ma anggo pakean ni halahi na hodar dibaen angka hagiot ni halahi na mardosa i.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 11:13

Jadi ro ma lalo na gogo hatiha i di tano on. Maronco ma saparsampulu ni kota i jana mate ma dibunu lalo i pitu ribu halak. Angka halak na asing i na so mate dibunu lalo i, gabe mabiar situtu ma; jadi gabe dipuji halahi ma hagodangan ni Debata di banua ginjang i.

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

HALUMBAAN 19:14

Diihutkon angka parangan na sian banua ginjang ma Ia, rap markudo na bontar jana marpakean linen na bontar saksak.

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

HALUMBAAN 3:5

Angke pakean na songon i ma bontarna na giot pakeon ni angka halak na monang. Nada sesaonKu be goar ni halahi sian buku hangoluan, tapi okuonKu ma halahi di adopan ni Damang dohot di adopan ni angka surusuruanNia paboa na Au nampuna halahi.

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 6:11

Dung i dilehen ma tu halahi sada be baju juba na bontar. Dung i disuru ma halahi maradian santongkin nari, painte gok bilangan ni angka aleale ni halahi saparjuangan dohot angka dongan ni halahi na hona bunu songon halahi.

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.