HALUMBAAN 3:3 - BIBEL JAMITA NA DENGGAN

³ Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.

HALUMBAAN 3:3 ပူးပေါင်းရင်းမြစ်များ

JEHESKIEL 20:43

Taringot ma tu rohamunu disi sude pambaenanmunu na so ture na dung pahodarkon dirimunu. Jadi gabe sobalan ma hamu paingot-ingot sude hajahatan i.

JEHESKIEL 36:31

Taringot ma rohamunu tu pangalaho na jat dohot pambaenanmunu na so patut i, dung i gabe sobalan ma hamu di dirimunu hara ni angka dosa dohot hagigian na nibaenmunu i.

MATEUS 25:13

Jadi dipaujung Jesus ma umpamaNia i, ning Ia ma, “Hara ni i, jonggor ma hamu, angke nada diboto hamu arina sanga hatihana.”

MARKUS 13:33

Jadi angkon jonggor do hamu tongtong, angke nada diboto hamu sanga andigan hatihana.

MARKUS 13:36

Jadi muda ompot ia ro, ulang sanga tardapot ia hamu hatiha tarpodom.

1 TESSALONIKA 5:2

Angke hamu sandiri pe tangkas do i diboto hamu, songon haroro ni panangko borngin do anggo haroro ni Ari Ni Tuhan i.

1 TIMOTEUS 6:20

Sasude pos ni roha na nilehen di ho, denggan ma jagohon i sude Timoteus! Padao ma ho sian angka pangkataion na so marguna. Laing padao ma ho sian partangkangan taringot tu angka pangalaho na didok roha ni halak “Parbinotoan,” hape sian dalan na lilu.

2 TIMOTEUS 1:13

Haburjuhon ma mangihutkon pangajaran na tutu na dung huajarkon i tu ho. Jana porsaya ma ho tongtong dohot marholong ni roha, angke na dung mardomu do ho dohot Jesus Kristus.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

2 PETRUS 1:13

Salolot mangolu au, na patut do huhilala manyungguli hamu taringot tusi.

2 PETRUS 3:1

Hamu angka dongan na nihaholongan! On ma suratku na paduahon tu hamu. Di suratki na dua i, giot sunggulanku do rohamunu na denggan i.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

HALUMBAAN 2:25

Tapi tiop hamu ma na adong di hamu lopus ro Au.

HALUMBAAN 2:5

Hara ni i, ingot hamu ma sanga na dung sadia dao hamu madabu. Pauba hamu ma rohamunu, dung i ulahi hamu ma patuluskon pambaenanmunu na di mulana i. Anggo inda, ro ma Au jana umpatonKu ma parlampuanmunu i sian jongjonganna i – muda nada muba rohamunu.

HALUMBAAN 22:7

“Ligi ma! Tibu do au ro! Martua ma sanga ise halak na marmomos angka sipaingot sian hasurirangon na di bagasan buku on!”

HALUMBAAN 3:11

Ligi ma! Tibu do Au ro! Tiop ma na adong di ho, anso ulang adong na mambuat tukumi.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

HALUMBAAN 3:2

Hara ni i, ngot ma hamu jana pargogoi hamu ma sanga aha na tading dope di hamu dompak so jabat mate sude. Angke nada adong dapot Au hum sada pe pambaenanmunu na sanggam di adopan ni DebatangKu.