HALUMBAAN 3:2 - BIBEL JAMITA NA DENGGAN

² Hara ni i, ngot ma hamu jana pargogoi hamu ma sanga aha na tading dope di hamu dompak so jabat mate sude. Angke nada adong dapot Au hum sada pe pambaenanmunu na sanggam di adopan ni DebatangKu.

HALUMBAAN 3:2 ပူးပေါင်းရင်းမြစ်များ

1 RAJA-RAJA 11:4

jabat do tarela-ela ia dibaen pangelek-elek ni angka boru i marsomba tu angka debata na asing dung matobang ia. Anggo si Daud amang ni si Salomo, burju do mangoloi Tuhan, Debatana, hape anggo si Salomo nada songon amangna i.

1 RAJA-RAJA 15:3

Dipambaeni si Abia do angka dosa songon na nibaen ni amangnia; nada sian rohania haburjuonnia mangoloi Tuhan Debatania, asing do sian ompuna si Daud.

2 JUJUR TAON 25:2

Dipatupa si Amasia do na pasonangkon roha ni Tuhan, tapi sian na mardua roha.

JOB 16:5

Hupapir rohamunu dohot hata na denggan angka hatangku mambaen roha haapoan.

JESAYA 35:3

Pargogoi ma tangan na gale, patogu ma dugul na hitir-hitir.

JESAYA 56:10

angke angka na mapitung do anggo pamimpin ni bangsongKu! Nada diboto halahi bagi aha. Songon anjing panjago na so martunggu do halahi, tapi na modom sajo do halahi.

JESAYA 57:12

DohononKu ma sude haburjuonmu dohot sude pambaenanmu, tapi sude na i nada marguna di hamu.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

DANIEL 5:27

Tekel; astuanna madung ditimbang raja i jana dapot ma na panayangtu.

ZAKARIA 11:16

Angke giot tugaskononKu ma sada parmahan laho manjago punguan ni biri-biringKu, tapi nada urupannia biri-biri na di bagasan parmaraan godang; nada jalahannia biri-biri na lilu nada ubatannia muse biri-biri na mabugang, jana nada lehenonnia muse mangan biri-biri na malua sian parmaraan. Mur ia sandiri do mamangani juhut ni biri-biri na ummokmokna i jana diumpati ia sisilon ni pahan-pahanan i.

MATEUS 23:5

Sude pambaenan ni halahi, hum anso diida jolma sajo do. Sangajo do dipake halahi angka tali ni abit sumbayang na bidang-bidang dohot rambu ni baju juba ni halahi!

MATEUS 25:13

Jadi dipaujung Jesus ma umpamaNia i, ning Ia ma, “Hara ni i, jonggor ma hamu, angke nada diboto hamu arina sanga hatihana.”

MATEUS 25:7

Ngot ma bujing-bujing na sampulu i marsipagara lampuna be.

BAENON NI ANGKA RASUL 18:23

Dung adong sanga sadia honok disi, kehe ma ia mangulahi manopot Luat Galatia dohot Prigia laho patoguhon roha ni angka na porsaya i.

PANGARATAION 3:28

Lehen ma panogu-noguon tu si Josua. Pasobar rohania, angke ia do na giot mamimpin bangso i tu bariba laho mambuat tano na niidami.’

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

HALUMBAAN 2:4

Tapi anggo pangalaho na sada on nada sonang rohangKu mida hamu: Nada songon di mulana i be holong ni rohamunu.

HALUMBAAN 3:1

“Tu surusuruan ni parlagutan na di Sardis, songon on suratkon: On ma barita sian na martondi na pitu na sian Debata dohot nampuna bintang na pitu i. Huboto do sanga aha na dung dikarejohon hamu. Nidok hamu na mangolu, hape na mate do!

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.