HALUMBAAN 3:18 - BIBEL JAMITA NA DENGGAN

¹⁸ Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

HALUMBAAN 3:18 ပူးပေါင်းရင်းမြစ်များ

MASMUR 107:11

angke mangalo halahi tu Debata, jana nada parduli di parenta ni Na Gumincat i.

MASMUR 16:7

Pujionku ma Tuhan na mangajari au, di tonga borngin pe rohangku parbagasan i paingot au.

MASMUR 32:8

Didok Tuhan, “Hupatuduhon pe dalan sibolusonmu. Hutogu pe ho jana Hupaingot.

MASMUR 73:24

Ditogu Ho do au marhite sipaingot, jana giot lehenonMu hatuaan di au sogot.

PODA 1:25

Dipasiding hamu do sude sipaingotku jana gora-gorangku ditulak hamu.

PODA 1:30

Nada unjung ra hamu manjagit angka sipaingotku sanga mamparrohahon angka gora-gorangku.

PODA 19:20

Tangihon ma poda, jana parhagiot ma parsiajaran, anso marbisuk ho.

PODA 23:23

Angka tona ni Tuhan, bisuk, pangajaran, dohot pangastuion patut do tobusan sudena i, tapi maargatu do i gadison.

PARJAMITA 8:2

Patutna do muda raja mangalehen parenta, jana ulang mopop mambaen janji tu Debata.

JESAYA 47:3

Idaon ni halak ma ho na so marpakean, dilayasi jana dipaila-ila. Palalu hosom ma Au tu ho, jana nada haantahan sanga ise Au,”

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

JEREMIA 13:26

Au sandiri manyibakkon pakean sian pamatangmu anso marsaemara ho jana maila.

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

MIKA 1:11

Hamu na maringanan di Safir, kehe ma hamu tu habuangan nada marpakean jana mardongan ila ni roha! Angka halak Zaanan nada puluk ruar sian kotana. Angguk ni halak Bet-Haesel, i ma patuduhon tu hamu na so adong be pangondian disi.

NAHUM 3:5

Didok Tuhan Na Markuaso i ma, “Ligi da Au noma gabe alomu, sintakonKu ma ujung ni abitmi lopus tu bohimu jana giot patidahonon ma hahailamu tu angka bangso dohot dongan magodangmu tu angka harajaan.

MALEAKI 3:3

Jadi juguk ma Ia songon sada halak panopa perak; jana paiasonNia ma halak Levi songon na paiaskon sere dohot perak, anso gabe sioban haul halahi tu Tuhan di bagasan hasintongan.

MATEUS 13:44

“Anggo Harajaan Ni Banua Ginjang, tarsongon arta na arga do i, na tanom di bagasan ladang. Jadi dapot sada halak ma i. Ditabunihon ia ma mangulahi tu bagasan ladang i. Jadi hara ni jop ni rohania, digadis ia ma sude sinadongannia. Mulak ma ia, ditobusi ia ma ladang i.”

MATEUS 25:9

‘Inda tola!’ ninna bujing-bujing na marroha i mangalusi, ‘Harana gabe sude do hita annon hurangan miak. Tu kode ma tobusi hamu!’

LUKAS 12:21

Laho paujungkon carito i didok Jesus ma, “Songon i ma pangalaho ni halak na sai torus palagut arta tu dirina sandiri sajo, tapi nada mamora di adopan ni Debata.”

2 KORINTUS 5:3

Harana muda marpamatang na imbaru do hita, nada tardapot hita di na so marpamatang.

2 KORINTUS 8:9

Angke tangkas do diboto hamu, holong situtu do roha ni Jesus Kristus Tuhanta i maradopkon hita. Na mora do Ia nian, tapi gabe marpogos do Ia hara ni hamu, anso mamora hamu hara ni hapogosonNia i.

1 TIMOTEUS 6:18

Paingot ma halahi laho patuduhon hadengganan, laho patupahon bahat pangalaho na denggan, habasaon dohot haburjuon mangalehen.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!

HALUMBAAN 3:17

Didok hamu, ‘Madung mamora hami jana tuk sude; sada pe nada adong be na hurangnami.’ Hape umpe diboto hamu sanga songon dia dangolmunu dohot parkancitanmunu! Na pogos do hamu, marsaemara jana na mapitung.

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 7:13

Ro ma sahalak sian pangituai i manyapai tu au, “Ise do angka halak na mamake baju juba na bontar on jana sian dia dehe halahi ro?”