HALUMBAAN 3:14 - BIBEL JAMITA NA DENGGAN

¹⁴ “Tu surusuruan ni parlagutan na di Laodikea songon on ma surat on! On ma barita sian si Amen, Saksi na setia jana na bonar i, mula ni sude na nitompa ni Debata.

HALUMBAAN 3:14 ပူးပေါင်းရင်းမြစ်များ

PAMUNGKAAN 49:3

Si Ruben, anakku siangkaan, ho do di au hagogoan. Parbatu na parjolo tanda na halaklahi au, ho do na tumongam jana na gumogo sian angka dakdanakku.

PODA 14:5

Saksi na jujur sai mandok na satutuna; saksi na so haposan, sai margabus do karejona.

PODA 8:22

Au do na nitompa ni Tuhan parjolo, au ma da parbatu ni karejoNia sian mulana di hatiha najolo.

JESAYA 55:4

Hubaen ia gabe pamimpin dohot panglima, saksi ni kuasongKu maradopkon angka bangso.

JESAYA 65:16

Sanga ise di luat i na mangido pasupasu pangidoonna ma anso Au Debata na setia mamasumasu ia. Sanga ise na marsumpa, marsumpa ma mangasahon goarKu, Debata na setia. Marujung noma sitaonon di hatiha na salpu jana halupahonon.

JEREMIA 42:5

Didok halahi ma tu au: “Padiar ma Tuhan gabe saksi na sintong jana na bisa dihaporsayai maradopkon hami, muda inda hami oloi sude hata na dung disuru Tuhan, Debatamu tu hami.

JOHANNES 1:3

Sasudena do dijadihon markite-hite Ia, jana sian sasude na adong, sangkamata pe nada adong na nijadihon, so marhite sian Ia.

JOHANNES 8:14

Dialusi Jesus ma, “Haru pe Husaksihon taringot tu diringKu sandiri, tutu do na Husaksihon i; angke Huboto do sanga sian dia Au ro jana tu dia Au kehe. Anggo hamu nada diboto hamu sanga sian dia Au ro jana tu dia Au kehe.

2 KORINTUS 1:20

Angke markite-hite Ia madung didok Debata, “Olo” taringot tu sude na dung nijanjihonNia. Hara ni i ma umbaen na tardok hita, “Amen” tu Debata hara ni Jesus Kristus. Anso nipasangap ma Debata.

PANGARATAION 21:17

Angkon lehenonnia do dua bagian sian sude artana di anakna na parjolo sorang i, haru pe nada anak na nitubuhon ni dadaboru hasudungan ni rohana. Angkon okuon ni amana do hak ni anak na parjolo sorang, jana angkon lehenon do di anak i teanon na patut disia mangihutkon aturan.”

KOLOSSE 1:15

Ia do gambaran ni Debata na so tarida, siangkaan ni sude na nitompa i.

KOLOSSE 1:18

Ia do ulu ni pamatang i, i ma parlagutan i, angke Ia do na mangalehen ngolu tu parlagutan i. Ia do siangkaan na dipangolu mangulahi sian hamatean, hara ni i muse ma umbaen na gabe Ia na umporlu sian sasudena na adong.

KOLOSSE 2:1

Giotku sugari diboto hamu ma nian sanga na bia parjuanganku di bagasan rohangku hara ni hamu bope hara ni halahi na di Laodikea dohot sude na so mananda au sandiri dope.

KOLOSSE 4:16

Dung sidung disise surat on di tonga-tongamunu, laing usahohon hamu ma anso laing disise muse di parlagutan na di Laodikea. Laing sise hamu ma di tonga-tongamunu surat na giot tongoson sian Laodikea tu hamu.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

HALUMBAAN 22:13

Au do Alpa dohot Omega, Na Parjolo dohot Na Parpudi, Bonana dohot Ujungna.”

HALUMBAAN 22:6

Jadi didok surusuruan i ma tu au, “Tutu do sude pandohan on jana sihaposan, Tuhan Debata na mangalehen TondiNia tu angka panurirang i, i do na marsuru surusuruanNia laho patuduhon tu angka naposoNia sanga aha na angkon masa santongkin nari.”

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.