HALUMBAAN 3:12 - BIBEL JAMITA NA DENGGAN

¹² Sanga ise na monang, baenonKu ma gabe songon tiang partunggul di bagas na badia inganan ni DebatangKu, jana nada morot-morot be ia sian inganan i. SuratkononKu ma tu halahi sandiri goar ni DebatangKu dohot goar ni kota ni DebatangKu – i ma Jerusalem na imbaru na giot mijur sian banua ginjang. Laing suratkononKu ma dohot goarKu na imbaru tu diri ni halahi.

HALUMBAAN 3:12 ပူးပေါင်းရင်းမြစ်များ

1 RAJA-RAJA 7:21

Dipayakkon ia ma ulu ni tiang na songon bunga bakung i di gincat ni tiang i. Dibaen ma tiang na dua i di jolo ni pintu hamasuhan tu Bagas Ni Debata. Tiang na sabola Selatan digoari ia Jakin jana tiang na sabola sian Utara digoari Boas. Dung i sidung ma karejo i.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 48:8

Songon na tabege i, saonnari ma taida, di Kota Ni Tuhan Na Markuaso i. Kota Ni Debatanta ma da kota i, Ia do manjagohon i anso sonang sapanjangna.

MASMUR 87:3

Angka pangalaho na denggan didokkon taringot tu ho; ale Kota Ni Debata.

JESAYA 62:2

Diida angka bangso do hamonanganmu, ditatap angka raja hagodanganmu. Pioon ma ho marhite goar na imbaru, Tuhan i sandiri do na pasahat goarmu.

JESAYA 65:15

Pakeon ni bangso na Hupili i ma goarmu songon bura. Au, Tuhan Debata, bunuonKu noma hamu. Tapi anggo halahi na burju mangoloi Au, lehenonKu ma goar na imbaru.

JEREMIA 1:18

Angke anggo Au, satutuna sadari on baenonKu ma ho gabe kota na marbenteng, gabe tiang bosi dohot gabe tembok tumbaga, mangalo sude raja-raja ni Juda dohot angka pegawaina, mangalo angka malim dohot rayat ni negara on.

JEHESKIEL 40:49

Sampulu meter do ginjang ni bilik i jana bidangna onom meter, jana sampulu tingkat do tangga i. Laho manaek tusi adong do dua tiang, sada be dibariba ni pintu i.

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

MARKUS 12:16

Dilehen halahi ma sada hepeng perak i. Dung i disapai Jesus ma, “Gambar dohot surat ni ise do on?” “Kesar i!” ning halahi mangalusi.

GALATIA 2:9

Si Jakobus pe, si Petrus, si Johannes, na gabe songon partunggul di parlagutan i, dioku halahi do na dung dilehen Debata do tu au hak na sada on. Dung i dijalang halahi do si Barnabas dohot au songon tanda ni parale-aleonnami. Jadi satahi ma halahi dohot hami, di tonga-tonga ni angka bangso na so Jahudi ma hami markarejo, jana halahi ma markarejo di tonga-tonga ni halak Jahudi.

EPESUS 3:15

Sian Ia do manjagit goar sudena ripe na di tano on dohot na di banua ginjang.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

IBRANI 13:14

Nada adong inganan na hot di hita anggo di tano on; inganan tu hatiha na giot ro do na tajalahi.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 2:11

Ditangihon na marpinggol i ma na nidok ni Tondi i tu angka parlagutan i! Di na monang i do lehenonKu mangan sian manna na buni, jana lehenonKu ma disia batu na bontar.”

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.

HALUMBAAN 22:4

jana ligion ni halahi ma bohiNa i. Suratkonon ma goar ni Debata di bohi ni halahi.

HALUMBAAN 3:5

Angke pakean na songon i ma bontarna na giot pakeon ni angka halak na monang. Nada sesaonKu be goar ni halahi sian buku hangoluan, tapi okuonKu ma halahi di adopan ni Damang dohot di adopan ni angka surusuruanNia paboa na Au nampuna halahi.