HALUMBAAN 22:9 - BIBEL JAMITA NA DENGGAN

⁹ hape ning ia ma tu au, “Ulang! Ulang ho marsomba tu au! Debata ma somba! Angke laing naposo muse do au sarupa dohot ho, dohot songon angka donganmu panurirang dohot sudena halak na marmomos angka hata na di bagasan buku on!”

HALUMBAAN 22:9 ပူးပေါင်းရင်းမြစ်များ

2 RAJA-RAJA 17:36

Pasangap hamu ma Au, Tuhan na dung maroban hamu ruar sian Mesir mardongan kuaso na godang; somba ma Au jana tu Au ma pasahat haul.

MASMUR 45:11

Hajogian ni rupamu mambaen tartarik roha ni raja i, ia do tuanmu, oloi ma i.

HARURUAR 34:14

Ulang marsomba tu debata na asing, angke Au, Tuhan, Debata Pangiburu do Au, nada tarpadiar Au adong imbang di Au.

MATEUS 4:9

Dung i ninna Sibolis i ma mandok Jesus, “Sudena i hulehen pe di Ho, muda ra Ho unduk marsomba tu au.”

LUKAS 4:7

Gabe Ho ma nampuna i sude muda tunduk Ho marsomba tu au.”

PANGARATAION 4:19

Ulang jabat mardosa hamu hara ni na marsomba jana mangoloi tu sanga aha na niidamunu di langit, i ma mataniari, bulan dohot angka bintang. Dipadiar Tuhan Debatamunu do anggo angka bangso na asing manyomba angka i.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 14:7

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.

HALUMBAAN 22:10

Dung i ning ia ma mangulahi, “Ulang rahasiahon angka sipaingot na sian hasurirangon na di bagasan buku on, angke dapot ma hatihana anso tarjadi sudena on.

HALUMBAAN 22:18

Ganop na umbege angka hata sian halumbaan na di bagasan buku on, au si Johannes hupaingotkon songon on: Sanga ise na manambai sanga aha tu angka hata na sian halumbaan on, tambaan ni Debata ma uhuman tu halakna i dohot angka bala na nigambarkon di bagasan buku on.

HALUMBAAN 22:7

“Ligi ma! Tibu do au ro! Martua ma sanga ise halak na marmomos angka sipaingot sian hasurirangon na di bagasan buku on!”

HALUMBAAN 4:10

manungkap ma pangituai na dua pulu opat i di jolo ni na juguk di habangsa i, marsomba tuSia na mangolu i salolot-lolotna. Dung i dipayakkon halahi ma tuku ni halahi i tu jolo ni habangsa i jana ninna halahi ma,

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.