HALUMBAAN 21:9 - BIBEL JAMITA NA DENGGAN

⁹ Ro ma tu au sahalak sian surusuruan na pitu i na maniop angka sambong na bubung marisi bala na parpudi i, ning ia ma tu au, “Beta anso hupatidahon tu ho dadaboru ni Anak Ni Biribiri i, i ma boru sipabagason i.”

HALUMBAAN 21:9 ပူးပေါင်းရင်းမြစ်များ

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

HALUMBAAN 17:1

Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

HALUMBAAN 19:7

Beta ma marjop ni roha hita jana marmoga-moga; jana tapasangap ma Ia! Angke madung dapot arina marbagas Anak Ni Biri-biri i jana boru i pe madung singkop na giot marbagas i.

HALUMBAAN 21:17

Dompak na marsuhat tembokna i surusuruan i, dapot ma gincatna 60 meter. Suhat-suhat ni jolma do na nipake ni surusuruan i.

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

HALUMBAAN 22:6

Jadi didok surusuruan i ma tu au, “Tutu do sude pandohan on jana sihaposan, Tuhan Debata na mangalehen TondiNia tu angka panurirang i, i do na marsuru surusuruanNia laho patuduhon tu angka naposoNia sanga aha na angkon masa santongkin nari.”