HALUMBAAN 21:3 - BIBEL JAMITA NA DENGGAN

³ Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.

HALUMBAAN 21:3 ပူးပေါင်းရင်းမြစ်များ

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

2 JUJUR TAON 6:18

“Tapi ale Debata, tutu dehe tarbaen Ho maringanan di tano on di tonga-tonga ni jolma? Salang sude pe langit i nada tuk bidangna di Ho, mur ma bagas paribadatan na hupajongjong on?

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

HARURUAR 29:45

Maringanan ma Au di tonga-tonga ni halak Israel, jana Au ma Debata ni halahi.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 32:38

Gabe bangsongKu ma halahi, jana Au gabe Debata ni halahi.

JEHESKIEL 37:27

Rap ma Au dohot halahi, Au noma gabe Debata ni halahi jana halahi gabe bangsongKu.

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

JEHESKIEL 48:35

9 kilometer ginjang ni tembokna i sude. Jana mamungka sian hatiha on digoari halak ma kota i: “DISI DO Tuhan I!”

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

ZAKARIA 8:8

jana Au mangoban halahi mulak, anso maringanan halahi di Jerusalem hara ni i gabe bangsongKu ma halahi jana Au Debata ni halahi di bagasan hatigoran dohot hasintongan.”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

2 KORINTUS 6:16

Aha ma he pardomuan ni Bagas Ni Debata dohot bagas ni gana-ganaan? Bagas Ni Debata na mangolu i do hita on, Debata sandiri pe didok Ia do, “Maringanan ma Au di tonga-tonga ni halahi, jana mangolu rap dohot halahi. Au ma gabe Debata ni halahi, jana gabe bangsongKu ma halahi.

2 KORINTUS 6:18

Au ma gabe Ama di hamu, jana gabe anak dohot boru ma hamu di Au, ninna Tuhan Na Markuaso i.”

1 TESSALONIKA 3:11

Sai dipabulus Debata Amanta i sandiri dohot Tuhanta Jesus ma nian dalan di hami anso marsuo dohot hamu!

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

IBRANI 8:10

Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

HALUMBAAN 10:4

Disi mangkuling ronggur na pitu i, giot suratkononku ma nian, hape hubege ma manigor sada sora sian banua ginjang na mandok, “Angkon rahasiahononmu do sanga aha na nidok ni ronggur na pitu i; ulang suratkon i!”

HALUMBAAN 10:8

Dung i mangkobari muse ma mangulahi tu au sora na dung mangkobari i tu au sian banua ginjang i. Ning ia ma, “Kehe ma ho mambuat balunan ni buku na talak i na di tangan ni surusuruan na mandege laut dohot darat i.”

HALUMBAAN 12:10

Dung i hubege ma sada sora na gogo sian banua ginjang na mandok, “Saonnari madung ro hatiha haluaan dohot kuaso dohot pamarentaon ni Debatanta, dohot hakuasoonNia na nimiahanNia. Harana madung di danggurkon tu toru angka na mangaduhon angka donganta i, na mangaduhon halahi arian dohot borngin di adopan ni Debatanta.

HALUMBAAN 21:7

Sanga ise halak na monang, jagitonnia ma sudena on sian Au. Au ma gabe Debatana jana ia ma gabe anakKu.

HALUMBAAN 22:3

Jadi nada adong be disi na niburaan, angke habangsa ni Debata dohot Anak Ni Biri-biri i do di bagasan kota i, jana angka naposoNia mangoloi noma tuSia,

HALUMBAAN 7:15

I ma umbaen na tola halahi jongjong di adopan ni habangsa ni Debata jana mangoloi Ia arian na borngin di bagasan Bagas Na Badia. Jana rap ma Ia na juguk di habangsa i dohot halahi laho mangondihon halahi.