HALUMBAAN 20:9 - BIBEL JAMITA NA DENGGAN

⁹ Jadi manangkok ma halahi tu portibi on marsitopot dalanna, dihobuk halahi ma parbandaran ni angka halak na badia dohot kota na nihaholongan ni Debata. Hape mijur ma api sian langit mangabisi halahi.

HALUMBAAN 20:9 ပူးပေါင်းရင်းမြစ်များ

PAMUNGKAAN 19:24

Tompu ma dipaijur Tuhan udan barerang na marapi tu Sodom dohot Gomora

2 RAJA-RAJA 6:15

Ancogotna i sogot dope di na ngot pangurupi ni si Elisa, kehe ma ia tu ruar; diida ia ma na dung dihaliangi tentara ni Siria do kota i singkop markudo dohot markareta porang halahi. Jadi mulak ma ia mandapotkon si Elisa didok ia ma, “Harom ma hita on, tuan! Bia noma ulaning baenonta?”

JOB 38:18

Taragak ho ma he sanga na tarsadia bidang ni portibi on? Muda diboto ho do i, alusi bo!

MASMUR 106:18

Mijur api manyoro dongan ni halahi, mangabiskon sandok na so ture i.

MASMUR 87:2

Sian sasude kota na diingani ni si Jakob Sion do na umbahat dihaholongi Tuhan.

MASMUR 97:3

Mangararati api di joloNia, abis marmosokan, musu na humaliang Ia.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

JEHESKIEL 38:22

UhumanKu ma ia dohot nyae masa dohot mudar na durus. DuruskononKu ma udan potir dohot ambolas, api dohot barerang tusia dohot tentarania dohot tu angka bangso na marsada dohot ia.

JEHESKIEL 38:9

Ro ma ia dohot tentarania dohot bahat bangso mangudurkon ia mamorangi songon halingsungsung lalu mangalingkup luat i sude songon ombun.”

JEHESKIEL 39:6

PamasaonKu ma api di tano Magog dohot di angka topi ni laut, na niinganan ni halak di bagasan sonang. Jadi botoon ni halahi sude ma Au do Tuhan.

MIKA 2:13

BukaonKu ma dalan jana obanonKu hamu haruar sian habuangan. Onjarkononmunu ma angka pintu ni horbangan jana kehe ma hamu so adong mangambat. Au Tuhan, Au sandiri Rajamunu, jana Au manguluhon hamu haruar.”

HABAKUK 1:6

Angke satutuna Au do pabangkitkon halak Kasdim, bangso na barani dohot na lingkas, na margogo di sandok tano on laho manyoluk angka inganan na so nampuna ni halahi dope.

BILANGAN 11:1

Dung i mamungka ma sai marungut-ungut bangso i tu Tuhan hara ni angka na hurang di halahi. Dung dibege Tuhan i ungut-ungut ni halahi, gabe muruk ma Tuhan, diparo Ia ma api tu halahi. Rarat ma api i ditonga-tonga ni halahi, pola tehe puntung deba parbandaran i.

BILANGAN 16:35

Diparo Tuhan i muse ma api na marjembur laho manutung na 250 halak na manutung hamonyan i.

LUKAS 17:29

Tapi di na kehe si Lot manadingkon Sodom, mijur ma di ari i api dohot barerang sian langit manutung halahi sude.

LUKAS 19:43

Saulahon ro do hatihana, baenon ni angka musumu ma rungga humaliang ho, hobuhon ni halahi ma ho jana sosahanna ma ho humaliang.

LUKAS 21:20

“Muda diida hamu dihobuk angka tentara kota Jerusalem, manigor botoonmunu ma sian i na so sadia lolot nari be, roncohononkon ma kota i.

LUKAS 9:54

Jadi dung diboto angka sisean ni Jesus, i ma si Jakobus dohot si Johannes pangalaho na songon i, gabe didok halahi ma, “Bia do Tuhan, ra do Ho muda hami pangido anso madabu api sian langit manyurbu sude halak na sahuta on?”

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

IBRANI 13:13

Hara ni i, beta ma tadapotkon Ia di ruar ni bandar i jana dohot ma hita niincahan rap dohot Ia.

HALUMBAAN 11:5

Muda adong halak na mancubo-cubo mambaen na jahat tu halahi, gabe ruar ma api sian pamangan ni halahi laho mangaluntak angka musu ni halahi i. Jadi songon i ma dalanna gabe tarbunu sude sanga ise na giot mambaen susa tu halahi.

HALUMBAAN 13:13

Dibaen ia ma angka tanda hahomangan na godang. Dibaen ia ma mijur api sian langit tu tano di jolo ni sudena jolma.