HALUMBAAN 2:8 - BIBEL JAMITA NA DENGGAN

⁸ “Tu surusuruan ni parlagutan na di Smirna, songon on ma suratkon: On ma na nidok ni Na Parjolo dohot Na Parpudi – i ma na dung mate jana na mulak mangolu i.

HALUMBAAN 2:8 ပူးပေါင်းရင်းမြစ်များ

JESAYA 44:6

On ma na nidok ni Tuhan, Raja dohot Partobus ni Israel, Tuhan Na Markuaso, “Au do na parjolo jana Au do na parpudi, asing sian Au nada adong be debata na asing.

JESAYA 48:12

“Ale Israel, ho ma bangso na Hupiohon, Au Debatamu, Au do na parjolo dohot na parpudi.

SURAT NI SI PAULUS TU PARLAGUTAN ROM 14:9

Madung mate Kristus, jana mulak mangolu. Hara ni i ma umbaen na gabe Tuhan Ia di halak na mangolu dohot muse di angka na dung mate.

HALUMBAAN 1:11

Didok sora i do, “Suratkon ma sanga aha na niidamu jana tongoskon ma buku i tu parlagutan na pitu on: Epesus, Smirna, Pergamus, Tiatira, Sardis, Piladelpia dohot Laodikea.”

HALUMBAAN 1:8

“Au do na parjolo dohot na parpudi,” ninna Tuhan Debata, na adong, na dung adong, jana na giot ro, Parkuaso Na Sumurung i.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.

HALUMBAAN 22:13

Au do Alpa dohot Omega, Na Parjolo dohot Na Parpudi, Bonana dohot Ujungna.”