HALUMBAAN 2:7 - BIBEL JAMITA NA DENGGAN

⁷ Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”

HALUMBAAN 2:7 ပူးပေါင်းရင်းမြစ်များ

PAMUNGKAAN 2:9

Dipartubuhon Debata ma disi sude ragam ni hayu na jeges-jeges, na marbatuhon parbatu na denggan panganon. Di parsitongaan ni kobun i tubu ma hayu na mangalehen ngolu, dohot hayu na mangalehen parbinotoan taringot tu na denggan dohot na jahat.

PODA 11:30

Halak na daulat tarjamin do ngoluna; jolma na bisuk martamba do parkarejona.

PODA 13:12

Pahancitkon roha do arop ni roha na sundat, tapi jop do roha muda tulus arop ni roha.

PODA 15:4

Hata na denggan patamba semangat, hata na pahancit roha pagalehon roha.

PODA 3:18

Na martua do halak na marbisuk; malua do ia patunda ni habisuhon i.

JEHESKIEL 28:13

Di Eden do ingananmu, di kobun ni Debata. Pakeanmu dipajeges dohot simata marrupa-rupa, i ma jaspis na rara, krisolit, jaspis na rata-rata, permata pirus; krisopras; nefrit; lajurit; batu na rara songon mudar dohot malakit. Bagas godang pe dibaen sian sere jana diparade do i di ari panompaonmu.

JEHESKIEL 31:8

Angka hayu sampinur na di kobun ni Debata nada adong manandingisa, hayu haruaya pe nada bisa manyarupoi ranting-rantingna, sude hayu na di kobun ni Debata nada adong na manyarupoisa hara ni jegesna.

MATEUS 11:15

Jadi muda na adong do pinggolmunu laho manangihon, tangihon hamu ma!

MATEUS 13:43

Tapi anggo halak na patuluskon na nipangido ni roha ni Debata, marsinondang ma halahi songon mataniari di bagasan Harajaan Ni Ama ni halahi. Sanga ise na marpinggol ditangihon ia ma!”

MATEUS 13:9

Sanga ise na marpinggol, ditangihon ia ma!”

MARKUS 4:9

Dung sidung dipaboa Jesus umpama i, didok Ia ma, “Sanga ise na marpinggol laho marbinege, ditangihon ia ma!”

MARKUS 7:15

Inda gabe hodar halak hara ni na masuk sian duru tu bagasan halahi. Tapi hara ni na haruar sian sada-sada halak do na mambaen ia hodar. [

MARKUS 7:16

Sanga ise na marpinggol laho marbinege, ditangihon ia ma.]”

LUKAS 23:43

Gabe didokkon Jesus ma tusia, “Tutu do na Hudok on tu ho, sadari on rap ma ho dohot Au di Pirdaus.”

LUKAS 8:8

Tapi adong muse do same na madabu tu tano na napu, gabe tubu ma i jana marsuha ma saratus lompit.” Dung i dipaujung Jesus ma umpamania i songon on, “Sanga ise na marpinggol laho marbinege, ditangihon ia ma!”

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

1 KORINTUS 2:10

Hape madung dipaboa Debata tu hita sangkapNia i markite-hite TondiNia. Didodo Tondi i do sasude, lopus tu angka na buni na dibagasan Debata.

2 KORINTUS 12:4

Huboto do basa dipatuginjang ia lopus tu Pirdaus, jana dibege ia ma hata na so tarpajojor, na so tola hatahonon ni jolma.

1 JOHANNES 2:13

Hubaen surat tu hamu angka ama, dibaen madung ditanda hamu Ia na adong sian mula ni mulana. Hubaen surat on tu hamu angka na poso, angke madung ditaluhon hamu hajahatan.

HALUMBAAN 13:9

Barang ise na marpinggol, ditangihon ia ma!

HALUMBAAN 14:13

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

HALUMBAAN 15:2

Dung i huida ma tarsongon laut kaco na marcampur api idaon. Huida muse ma angka halak na dung monang mangalo binatang i dohot patung i dohot angka na monang mangalo halak na martanda nomor goarna. Jongjong ma angka halak na monang i di topi ni laut kaco i marsitiop hasapi na nilehen ni Debata tu halahi.

HALUMBAAN 2:11

Ditangihon na marpinggol i ma na nidok ni Tondi i tu angka parlagutan i! Di na monang i do lehenonKu mangan sian manna na buni, jana lehenonKu ma disia batu na bontar.”

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

HALUMBAAN 21:7

Sanga ise halak na monang, jagitonnia ma sudena on sian Au. Au ma gabe Debatana jana ia ma gabe anakKu.

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

HALUMBAAN 22:2

torus ma i tu angka dalan godang na di kota i. Ditopi ni batang aek i paipar-ipar adong ma bona ni hayu haroroan ni hangoluan, na marbatu ganop taon dua bolas noli, i ma sanoli sabulan. Bulungna i, dibaen do laho pamalumkon angka bangso.