HALUMBAAN 2:20 - BIBEL JAMITA NA DENGGAN

²⁰ Tapi anggo taringot tu pangalaho na sada on, nada jop rohangKu mida hamu: Dilehen hamu do rohamunu tu si Isebel dadaboru na mangoku dirina i suruan ni Debata. Madung miduk sian angka naposongKu na niajarannia dohot na nipaoto-otonia anso markamainan dohot mangankon sipanganon na nihaulkon tu gana-ganaan.

HALUMBAAN 2:20 ပူးပေါင်းရင်းမြစ်များ

1 RAJA-RAJA 16:31

Nada tuk dope disia ngolu pardosaon songon Raja Jerobeam i, dibuat ia dope si Isebel boru ni Raja Etbaal na sian Sidon, gabe marsomba tu Baal ia.

1 RAJA-RAJA 17:13

“Ulang ganggu rohamu inang,” ning si Elia ma, “Jolo baen ma di au sada roti na menek sian topung dohot miak i, jana oban ma tuson. Dung i baru ma pature di ho dohot di dakdanakmi.

1 RAJA-RAJA 17:4

Minum sian anak ni batang aek i ma ho jana pangan ma angka sipanganon na nitaruhon ni angka unggas sigak na Husuru.”

2 RAJA-RAJA 9:22

“Barita na denggan do luai ale,” ning si Joram manyapai si Jehu. “Bia ma pambaenna adong hadameon, anggo laing adong dope angka datu dohot panyombaan tu gana-ganaan na nipungka ni si Isebel inangmi didalankon dison,” ning si Jehu mangalusi.

2 RAJA-RAJA 9:7

Roncohononmu ma sisolkot ni tuanmu si Ahab. Songon i ma panguhumingKu di si Isebel na mamatehon angka panurirangKu dohot angka naposongKu na asing i.

HARURUAR 34:15

Ulang jabat mambaen janji hamu dohot halak luat i; angke muda marsomba halahi tu angka debatana i jana pasahat haul, piohonon ni halahi ma hamu anso rap dohot halahi mangankon na nihaulkon ni halahi.

JEHESKIEL 13:17

Didok Tuhan, “Saonnari, ale jolma parsantongkinan, parrohahon ma angka dadaboru paralatan di tonga-tonga ni bangsomu. Gorahon ma halahi,

BAENON NI ANGKA RASUL 15:20

Tapi angkon laing tatongos ma surat tu halahi paingotkon halahi anso ulang dipangan halahi angka sipanganon na hodar na nihaulkon tu gana-ganaan, sanga markarosuan, sanga pe na mangankon pahan-pahanan na nisongkik sanga mangan mudar. Boti anso laing dipadao halahi dirina sian angka pangalaho na jorngang.

BAENON NI ANGKA RASUL 15:29

Ulang ma pangan hamu sipanganon na nihaulkon tu gana-ganaan, ulang pangan hamu mudar, ulang pangan hamu binatang na nisongkik, jana ulang ma adong sian hamu angka pangalaho na markarosuan. Muda dipadao hamu dirimunu sian angka pangalaho na songon i, na denggan noma baenonmunu. Horas ma di hamu, botima!”

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

HALUMBAAN 2:14

Tapi haru songon i pe, laing adong do piga-piga pangalaho na so dihagioti ni rohangKu di hamu: Adong deba sian hamu na mangihutkon pangajaran ni si Bileam. Diajari si Bileam do si Balak paoto-otohon halak Israel anso mambaen dosa, i ma na mangankon pelean na nihaulkon tu gana-ganaan dohot mambaen pangalaho na markarosuan.

HALUMBAAN 2:4

Tapi anggo pangalaho na sada on nada sonang rohangKu mida hamu: Nada songon di mulana i be holong ni rohamunu.