HALUMBAAN 18:9 - BIBEL JAMITA NA DENGGAN

⁹ Jadi ditangisi jana diandungi angka raja ni tano on ma ia, i ma angka na markarosuan jana na marharorangan rap dohot ia, muda diida halahi timus ni panutunganna i.

HALUMBAAN 18:9 ပူးပေါင်းရင်းမြစ်များ

PAMUNGKAAN 19:28

Manatap ma ia sabola Sodom dohot Gomora dohot tu rura i sude, jana diida ia ma timus marbual-bual sian tano i, songon timus ni pamurunan na godang.

MASMUR 58:10

Marjop ni roha halak na burju, paida-ida halak parjahat hona uhum, jana mambasu patna dohot mudar ni halak na durako.

JESAYA 13:19

Sian sasude harajaan, Babel ma na jumeges, jana na gabe hagodangan ni roha ni halak na manginganisa. Tapi Debata, giot mambalikkonsa, songon na dung dibaen maradopkon Sodom dohot Gomora.

JESAYA 30:33

Mamungka sian narobi na dung diparade hian do api baen panutung ni raja Asur. Bagas jana lumbang do inganan i na marisi soban martinggang-tinggang. Ombuskonon ni Tuhan ma hosaNia laho pagarahon api i.

JEREMIA 50:40

Tarjadi muse ma tu Babel sanga aha na tarjadi tu Sodom dohot Gomora di na Huroncohon kota i rap dohot angka pagaran na adong humaliangna. Sahalak pe nada adong be na tading disi. Au Tuhan, madung mandok songon i.

JEREMIA 50:46

Muda madabu Babel, tarbege ma hagaoron na lobi gogo jabat humutur portibi on; begeon ni angka bangso na asing ma angguk ni halahi.”

JEREMIA 51:8

Tompu ma madabu Babel lalu sarge. Tangisi hamu ma i, jana jalahi hamu ma ubat tu angka gasana i, betak na ra dope malum.

JEHESKIEL 27:35

Sude halak na maringanan ditopi ni laut humitir umbege bagianmi. Angka raja ni halahi pe sun biarna; tarida di bohi ni halahi langan hara ni biarna.

DANIEL 4:14

Gogo ma sorania mangkuling mandok, ‘Taba ma hayu i jana tultuli ma angka dangkana, rurus ma bulungna i jana sarsarkon batuna i. Paorot ma angka binatang na marmodoman di toruna i dohot angka unggas na marasari di dangka-dangkana i.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.

1 TIMOTEUS 5:11

Ulang pamasuk tu panyuratan ni goar-goar i angka ina na mabalu na poso dope. Angke muda manggogo roha ni halahi mangoloi hagiot ni sibukna, sirang ma halahi sian Kristus, ujungna marbagas ma halahi.

HALUMBAAN 14:11

Martimbual ma timus ni api parkancitan ni angka jolma i salolot-lolotna. Nada marnamantak be hona parkancitan halahi arian dohot borngin, i ma angka halak na manyomba binatang i dohot patungna i, dohot sasudena halak na maruli tanda goar ni binatang i.”

HALUMBAAN 17:2

Na markamainan do angka raja ni portibi on dohot panggampang godang i jana gabe mabuk do halak na mangingani tano on hara ni na minum anggur ni panggampang i.”

HALUMBAAN 18:18

jana marsurak dung diida halahi timus na marbual-bual sian api na manyurbu kota i. Didok halahi, “Nada adong jungada kota na asing songon kota na godang on!”

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 18:3

Madung diinum sasude bangso anggur sian hagiotnia na rorang i. Mambaen harorangon do angka raja dohot ia jana gabe maradong be ma angka saudagar na satano on hara ni hagiotna na so tarordahon i.”

HALUMBAAN 18:7

Lehen hamu ma tusia parkancitan dohot pardangolan sabahat ni hasangapan dohot sinadongan na dung dirasoinia. Harana didok ia do di bagasan rohania, ‘Au do ratu na mamarenta! Nada na mabalu au, nada daionku hamarsahan!’

HALUMBAAN 19:3

Dung i didok halahi ma na padua nolihon, “Haleluya! Olo, martimbual ma timusna salolot ni lolotna.”

HALUMBAAN 2:22

Ligi ma Hudabu ma ia rap dohot donganna na markamainan i, tu podoman ni parkancitan na godang, muda so dipauba halahi rohana sian pambaenanna i.