HALUMBAAN 17:5 - BIBEL JAMITA NA DENGGAN

⁵ Tarsurat do di bohina i sada goar rahasia. Anggo goar i, i ma “Babel Na Godang i, ina ni sandok panggampang dohot angka parbuatan na so ture di portibi on.”

HALUMBAAN 17:5 ပူးပေါင်းရင်းမြစ်များ

JESAYA 3:9

Bohi ni halahi patidahon hajahatanna, jana songon halak Sodom, patar-patar halahi paboahon angka dosana, nada ditabunihon be. Marjaya ma halahi! Angke diparo halahi do uhum tu dirina sandiri.

JEHESKIEL 16:35

Hara ni i, ale siboru jalang! Tangihon ma hata ni Tuhan.

PILIPPI 3:19

Anggo ujungna angkon gabe sego do ngolu ni halak sisongon i, angke na martuhankon hagiot ni pamatangna sandiri do halahi. Angka pangalaho sihailahononkon, hape gabe i do na niargahon ni halahi; angke hum angka na mardomu tu tano on sajo do na nisarihonna.

2 TESSALONIKA 2:7

Madung mamungka markarejo kuaso ni hajahatan na buni i masuk manyisip-nyisipi, tapi laing adong dope pangambati. Jadi muda dung morot pangambati i,

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 11:8

Jana payak ma bangke ni halahi di dalan godang na di kota na godang i, mangihutkon partondion digoar do i kota Sodom dohot Mesir, jana disi do Tuhan diparsilangkon halahi.

HALUMBAAN 14:8

Ihut ma surusuruan na paduahon tu surusuruan na parjolo i jana marsurak ma ia, “Madung madabu ia! Ma madabu kota Babel na godang i! Madung gabe mabuk sude bangso dibaen ia rap dohot aek ni anggur – i ma anggur na ro sian hagiotnia na jorngang i!”

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

HALUMBAAN 17:1

Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

HALUMBAAN 17:2

Na markamainan do angka raja ni portibi on dohot panggampang godang i jana gabe mabuk do halak na mangingani tano on hara ni na minum anggur ni panggampang i.”

HALUMBAAN 17:7

Jadi didok surusuruan i ma tu au, “Biasi homang-komang ho? Hupaboa pe tu ho rahasia ni anak boru i dohot rahasia ni binatang na nitenggetnia i, i ma binatang na marulu pitu jana na martanduk sampulu i.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.

HALUMBAAN 18:21

Dung salpu i, ro ma sada surusuruan na gogo, diangkat ia ma sada batu – sagodang ni batu panggilingan – diambungkon ia ma i tu laut jana didok ia ma, “Songon on ma gogona baenon mangambungkon kota Babel na tarbonggal i lopus nada dapot be mangulahi.

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HALUMBAAN 7:3

Didok surusuruan na sada i ma, “Ulang jolo segohon hamu darat i sanga laut i, sanga hayu-hayu i sapanjang so hami lehen tanda cap di bohi ni angka naposo ni Debatanta.”