HALUMBAAN 17:4 - BIBEL JAMITA NA DENGGAN

⁴ Marbaju na ungu do dadaboru i dohot na rara tobang jana na nipambaeni dohot angka sere, simata dohot berlian. Adong do di tanganna i sada sambong sere bubung dohot angka pangalaho hagigian jana na hodar, na sian parkarosuanonna i.

HALUMBAAN 17:4 ပူးပေါင်းရင်းမြစ်များ

1 RAJA-RAJA 14:24

Asing ni angka dadaboru, adong muse do angka halaklahi na martugas di angka inganan parsombaan ni debata i. Dipambaeni halak Juda do angka pangalaho na so ture na nibaen ni angka bangso na dung diusir ni Tuhan di na masuk halak Israel tu luat i.

2 RAJA-RAJA 21:2

Mardosa do si Manase tu Tuhan hara ni na niihutkonnia angka hasomalan na jahat sian angka bangso na nipaorot ni Tuhan sian Kanaan di na laho masuk halak Israel tu luat i.

ESRA 9:11

na nilehenMu tu hami markite-hite angka panurirang, i ma angka naposoMi. Dipaboa halahi do tu hami, anggo tano na giot siinganannami i nada ias harana antong sudena halak na maringanan disi sian topi tu topi mambaen na hodar do dohot sihagigian.

JESAYA 66:3

Hape anggo bangso i, roha-rohana do dipambaeni. Anggo di halahi, manghaulkon lombu sarupa do dohot na manghaulkon jolma. Manghaulkon anak ni biri-biri dos dohot na manipulkon rungkung ni anjing. Manghaulkon haul gandum sarupa do i dohot na manghaulkon mudar ni babi. Manutung hamonyan dos do i dohot na marsomba patung. Hara ni i: Sarupo songon halahi na mandalankon dalanna sandiri, jana rohana pe manghagioti gana-ganaan.

JEREMIA 51:7

Tudos do Babel dohot piala sian sere na Hutiop jana na mambaen mabuk sude portibi on. Marminuman angka bangso sian panginuman i lopus rintik be halahi.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

JEHESKIEL 20:30

Jadi palalu ma tu halak Israel sanga aha na Hudok, Au Tuhan Debata mandok tu halahi, ‘Biasi dibaen hamu angka dosa songon na nipambaenan ni ompumunu? Laing songon halahi, hamu pe mangihut do tu angka gana-ganaan hagigian i.

JEHESKIEL 24:11

Saonnari baen ma hudon loyang na rumar i di ginjang ni api i jana padiar disi lopus mosok marrara. Dung mosok tasikna i, baru ma ias hudon i mangulahi mangihutkon aturan ni ugamo.

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

JEHESKIEL 28:13

Di Eden do ingananmu, di kobun ni Debata. Pakeanmu dipajeges dohot simata marrupa-rupa, i ma jaspis na rara, krisolit, jaspis na rata-rata, permata pirus; krisopras; nefrit; lajurit; batu na rara songon mudar dohot malakit. Bagas godang pe dibaen sian sere jana diparade do i di ari panompaonmu.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

DANIEL 11:38

Tapi sombaonnia ma debata na so unjung disomba angka ompuna, i ma debata na mangondihon angka benteng. Haulkononnia ma sere, perak, batu na arga dohot angka haul na marlobi-lobi na asing i tu debata na so unjung i dope disomba angka ompuna i.

HOSEA 9:10

Didok Tuhan ma, “Di mulana marsuo Au dohot Israel marjop ni roha do Au songon dia bayo na dapotan batu ni anggur di padang halongonan. Di na parjolo situtu Huida angka ompumunu, sonang noma rohangKu songon halak na marnida patumonaan ni batu ni ara. Tapi di na kehe halahi tu Dolok Peor, mamungka ma halahi marsomba Baal, jadi gabe hodar ma halahi songon debata na nihaholongan ni halahi i.

PANGARATAION 29:17

Madung diida hamu angka patung sihagigian na nisomba ni halahi; angka patung na dibaen sian hayu, batu, perak dohot sere.

HALUMBAAN 14:8

Ihut ma surusuruan na paduahon tu surusuruan na parjolo i jana marsurak ma ia, “Madung madabu ia! Ma madabu kota Babel na godang i! Madung gabe mabuk sude bangso dibaen ia rap dohot aek ni anggur – i ma anggur na ro sian hagiotnia na jorngang i!”

HALUMBAAN 18:12

Angka barang-barang sere dohot perak, dohot batu intan dohot simata dohot abit na alus dohot abit ungu dohot surto dohot abit hasumba dohot ragam-ragam ni hayu na huskus dohot ragam-ragam ni panjamaan sian gading dohot rupa-rupa ni parkokas sian hayu na arga dohot sian tumbaga, sian bosi, dohot pualam,

HALUMBAAN 18:16

Jana didokkon halahi ma, “Marjaya, marjaya ma kota na godang i, na marpakean linen na alus, dohot abit ungu dohot abit na rara, na nitabur dohot sere dohot batu intan dohot simata!

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HALUMBAAN 21:21

Mutiara do horbangan na dua bolas i, ganop pintu sada mutiara ma i. Dalan godang na di kota i, sian sere na polin do dibaen, lan songon kaco na ias.

HALUMBAAN 9:21

Laing so muba dope roha ni halahi sian na mamunu jolma, na padalankon hadatuon, sian markarosuan dohot sian na manangko.