HALUMBAAN 17:3 - BIBEL JAMITA NA DENGGAN

³ Di bagasan Tondi dioban ia ma au tu parhorsihan. Huida ma disi sahalak dadaboru na juguk manengget sada binatang na rara songon hasumba. Gok dohot goar pangincahion. Pitu ulu ni binatang i jana sampulu tandukna.

HALUMBAAN 17:3 ပူးပေါင်းရင်းမြစ်များ

1 RAJA-RAJA 18:12

Muda kehe au sian on, mungkin do obanon ni Tondi Ni Tuhan amang tu inganan na so huboto! Jana muda hupaboa tu si Ahab na dison amang, hape nada marsuo ia tu amang, tontu bunuonnia ma au, haru pe na marsitutu au na maribadat i tu Tuhan sian na menek.

2 RAJA-RAJA 2:16

jana didok halahi ma, “Lima pulu halak hami on, sude do na gogo-gogo. Hara ni i, beta ma tajalahi si Elia tuanmi. Betak na nioban ni Tondi Ni Tuhan do ia tu dolok sanga tu rura, gabe ditadingkon ia disi.” “Indangkon pola!” ning si Elisa mangalusi.

ENDE NA GODANG 8:5

Ise do na ro sian padang halongonan na marsitiopan tangan dohot haholonganna? Husungguli ho di toru ni bona ni appel, disi do ingananmu ditubuhon.

JEHESKIEL 11:24

Di bagasan parnidaan i, diangkat Tondi Ni Debata ma au jana dipaulak tu angka jolma buangan na di Babel. Dung i mago ma parnidaan i.

JEHESKIEL 3:12

Dung i dioban Tondi Ni Debata ma au jana di pudingku hubege ma sora mangaronggur na mandok, “Puji ma hamuliaan ni Tuhan di banua ginjang!”

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

DANIEL 7:20

Giot botoonku muse do taringot tu tandukna na sampulu i dohot tandukna na menek na umpudi tubu i na lalu mangumpat tolu sian tanduk na parjolo i. Marmata do tanduk i jana marpamangan na jungkat pangkulingna. Jorbutan dope tanduk na menek i sian angka tanduk na asing i.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 7:8

Taran hupanotnoti tandukna i, ompot ma tubu sada tanduk na asing di antarana i. Menek do tanduk i tapi dionjar ia do lalu mumpat tolu sian angka tanduk na parjolo i. Marmata do tanduk na menek i songon mata ni jolma jana marpamangan na bulbul pangkataina.

MATEUS 27:28

Dibuka halahi ma pakean ni Jesus, digontihon halahi ma dohot baju juba na ungu.

BAENON NI ANGKA RASUL 8:39

Dung ruar halahi sian aek i, dibuat Tondi Ni Tuhan ma si Pilipus sian i. Nada diida parpangkat na sian Etiopia i be ia. Tapi marjop ni roha ma ia mandalani sidalanannia.

2 TESSALONIKA 2:4

Sian ginjang ni rohana, mangalo ma ia jana pagincat diri di ginjang ni sude na nisomba ni jolma, sanga pe sude na nipardebata ni jolma. Salang Bagas Ni Debata pe juguhannia do jana baenonnia ma boa-boa tu halak na bahat sudena, mandok ia sandiri do Debata.

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.

HALUMBAAN 12:14

Hape madung dilehen di dadaboru i dua habong ni rajawali na godang situtu anso tarbaen ia habang tu inganannia di parhorsihan jana anso malua ia sian serangan ni naga i. Di parhorsihan i ma ia dipauli-uli sada hatiha, dua hatiha, dohot satonga hatiha.

HALUMBAAN 12:3

Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.

HALUMBAAN 12:6

Gabe marlojong ma dadaboru i tu parhorsihan, i ma inganan na nipasingkop ni Debata disia. Di inganan i noma ia dipauli 1260 ari honokna.

HALUMBAAN 17:18

Dadaboru na niidami, i ma kota na godang i, na mamarenta angka raja di portibi on.”

HALUMBAAN 17:4

Marbaju na ungu do dadaboru i dohot na rara tobang jana na nipambaeni dohot angka sere, simata dohot berlian. Adong do di tanganna i sada sambong sere bubung dohot angka pangalaho hagigian jana na hodar, na sian parkarosuanonna i.

HALUMBAAN 18:12

Angka barang-barang sere dohot perak, dohot batu intan dohot simata dohot abit na alus dohot abit ungu dohot surto dohot abit hasumba dohot ragam-ragam ni hayu na huskus dohot ragam-ragam ni panjamaan sian gading dohot rupa-rupa ni parkokas sian hayu na arga dohot sian tumbaga, sian bosi, dohot pualam,

HALUMBAAN 18:16

Jana didokkon halahi ma, “Marjaya, marjaya ma kota na godang i, na marpakean linen na alus, dohot abit ungu dohot abit na rara, na nitabur dohot sere dohot batu intan dohot simata!

HALUMBAAN 21:10

Jadi digohi Tondi Parbadia ma au, jana dioban surusuruan i ma au tu puncut ni dolok na lobi gincat. Dipatidahon ia ma tu au Jerusalem, Kota Na Badia i. Na mijur do huta i sian banua ginjang, sian Debata

HALUMBAAN 4:2

Manigor digohi Tondi Parbadia ma au. Huida ma di banua ginjang i sada habangsa. Adong do halak na juguk di habangsa i.