HALUMBAAN 17:18 - BIBEL JAMITA NA DENGGAN

¹⁸ Dadaboru na niidami, i ma kota na godang i, na mamarenta angka raja di portibi on.”

HALUMBAAN 17:18 ပူးပေါင်းရင်းမြစ်များ

DANIEL 7:23

On ma hatorangan na dapot au, “Binatang na paopatkon i, i ma harajaan na paopatkon na giot jongjong di tano on, jana asing do i sian angka harajaan na asing i. Giot segohonon jana bonduton ni harajaan i do sude portibi on jana dege-degeonnia teba-tebania i.”

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.

HALUMBAAN 11:8

Jana payak ma bangke ni halahi di dalan godang na di kota na godang i, mangihutkon partondion digoar do i kota Sodom dohot Mesir, jana disi do Tuhan diparsilangkon halahi.

HALUMBAAN 12:4

Disarat ia ma dohot lailainia i sapartolu sian angka bintang na di langit i, disampakkon ia ma i tu tano on. Jongjong ma naga i di jolo ni anak boru na giot manubuhon dakdanakNa i anso manigor dipolgak ia Dakdanak i disi sorang.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

HALUMBAAN 18:2

Marsora na gogo ma ia marsurak, “Madung madabu dadaboru i! Madung madabu Babel Na Godang i! Gabe inganan ni tondi na jahat dohot partabunian ni angka tondi na hodar noma i saonnari. Angka unggas na hodar jana na nihagigihon ni halak noma na mangolu di bagasan.