HALUMBAAN 17:16 - BIBEL JAMITA NA DENGGAN

¹⁶ Tanduk na sampulu na niidami dohot binatang i, margoyak ni roha ma mida panggampang i. Baenon ni halahi ma ia lungun-lungunan jana salang-salang. Panganon ni halahi ma sibukna jana pangabison ni halahi ma ia dohot api.

HALUMBAAN 17:16 ပူးပေါင်းရင်းမြစ်များ

JOB 31:31

Diboto angka halak na markarejo tu au do, hutamu do di bagasku sanga ise sajo.

MASMUR 27:2

Muda ro parjahat mangaroro giot mamunu au, tartuktuk ma halahi lalu madabu.

DANIEL 7:5

Binatang na paduahon tompana songon gompul. Jongjong di patna pudi i do ia, jana dioban ia tolu holi-holi ni rusuk di antara ni iponnia i. Hubege ma sora na mandok tusia, “Tole bo, papangani ma juhut sanga sadia giotmu!”

HAMALIMON 21:9

Muda gabe siboru jalang do dadaboru ni sada malim, na palayas amangna do i, angkon mate tutungon do halakna i.

HALUMBAAN 12:3

Dung i tarida muse ma tanda na asing di langit. Adong ma sada ulok naga na rara na lobi godang, pitu uluna jana sampulu tandukna. Jana pitu tuku di ginjang ni uluna.

HALUMBAAN 16:12

Dung i diduruskon surusuruan na paonomkon i ma isi ni sambongnia i tu Batang aek Efrat na godang i. Gabe mahiang ma batang aek i, lopus tardalani angka raja na sian Habincaran.

HALUMBAAN 17:10

Tardok muse pitu raja do i. Lima madung madabu, na sada madung adong, na sada nari nada adong dope; tapi muda dung ro ia, satongkin do i tola tinggal.

HALUMBAAN 18:19

Dung i disampakkon halahi ma abuan tu ulu ni halahi di na pio-pio, tangis jana mangandungi halahi, ninna halahi ma, “Marjaya, marjaya ma kota na godang i, angke markite-hite sinadongannia gabe mamora sude angka nampuna kapal di laut! Di bagasan sajom do ia abis!”

HALUMBAAN 18:8

Hara ni na songon i ma gabe angkon hona bala ia tompu di sada ari – nyae, hamarsahan dohot tangkuraparon. Tutungon ma ia tu api angke na sun do kuaso ni Tuhan Debata i na mangadili ia.”

HALUMBAAN 19:18

Pangan hamu ma juhut ni angka raja, juhut ni angka panglima dohot juhut ni angka na gogo, juhut ni na manengget kudo dohot juhut ni angka kudona i dohot juhut ni sude jolma manusia na menek bope na magodang, hatoban sanga na mardeka!”