HALUMBAAN 17:1 - BIBEL JAMITA NA DENGGAN

¹ Dung i ro ma sada sian surusuruan na pitu i na maniop sambong na pitu i, mangkobari dohot au ninna ma, “Beta, anso hupatidahon tu ho sanga na bia baenon manguhumi panggampang godang i, na juguk di ginjang ni aek na bahat.

HALUMBAAN 17:1 ပူးပေါင်းရင်းမြစ်များ

JESAYA 1:21

Kota na burju najolo, saonnari gabe songon siboru jalang! Najolo burju halak kota i, hape anggo na adong saonnari hum sibunu jolma noma.

JESAYA 57:3

Tapi hamu, padonok hamu ma tuson, ale angka anak ni dadaboru tukang sihir, ale pomparan ni na markarosuan dohot siboru jalang!

JEREMIA 2:20

Didok Tuhan, “Madung honok na so ra ho tunduk tu Au; nada ra ho mangoloi sanga marsomba tu Au. Di puncu ni ganop dolok na gincat, dohot di toru ni sandok hayu na rumbun disomba ho do angka debata ni hagabean.

JEREMIA 51:13

Na kayo do luat i jana bahat batang aekna, tapi madung abis hatiha ni ngoluna; madung dapot ujung ni ngoluna.

JEHESKIEL 31:4

Magodang ia torus dibaen aek nada hurangan. Dilehen batang aek na di toru ni tano i do sipanganonnia, mandurusi sude uratna jana mangaehi angka hayu na asing-asingna.

LUKAS 24:32

Jadi ninna halahi ma sama halahi, “Nangkin di dalan i, i noma gurgur ni rohanta, di na nipajojorNia torang isi ni Buku Na Badia i tu hita!”

LUKAS 9:30

Ompot ma tarida dua halak mangkatai dohot Jesus, i ma si Musa dohot si Elia.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

HALUMBAAN 15:1

Dung i huida ma di langit sada tanda hahomangan jana na godang situtu. Adong ma pitu surusuruan dohot pitu mara, bala na parpudi. On ma na parpudi situtu dipalalu Debata haririmasNia.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

HALUMBAAN 18:1

Dung salpu i, huida ma sada surusuruan na asing mijur sian banua ginjang. Na godang do kuasonia jana gabe torang ma tano on sudena hara ni sahalania.

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HALUMBAAN 19:9

Dung i didok ia ma tu au, “Suratkon ma on: ‘Martua do sanga ise halak na dung niontang tu pesta parbagason ni Anak Ni Biri-biri i.’ ” Dung i didok surusuruan i muse dope tambana, “On ma angka hata na sintong na sian Debata.”

HALUMBAAN 21:15

Adong do di tangan ni surusuruan donganku mangkobari i sada tungkot sere baen suhat-suhat laho mangukur kota i, marsuhat horbanganna dohot tembokna i.

HALUMBAAN 21:9

Ro ma tu au sahalak sian surusuruan na pitu i na maniop angka sambong na bubung marisi bala na parpudi i, ning ia ma tu au, “Beta anso hupatidahon tu ho dadaboru ni Anak Ni Biribiri i, i ma boru sipabagason i.”

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”