HALUMBAAN 16:2 - BIBEL JAMITA NA DENGGAN

² Kehe ma manigor surusuruan na parjolo jana diduruskon ia ma isi ni sambongnia i tu tano. Gabe baro-baroon ma sudena sanga ise halak na maruli tanda ni binatang i dohot halak na manyomba patungna i.

HALUMBAAN 16:2 ပူးပေါင်းရင်းမြစ်များ

2 JUJUR TAON 21:15

Raja i sandiri pe marnyae baro bunion noma, mur martamba ari mur poran!”

2 JUJUR TAON 21:18

Dung tarjadi sudena i, hona uhum ma si Joram dibaen Tuhan dohot nyae baro buni na so ra malum.

MASMUR 78:26

Disuru Ia mangombus alogo Habincaran, hara ni kuasoNia gabe mangombus do alogo Selatan.

JESAYA 3:17

Hape uhumanKu noma halahi; sap ma uluna i rasa-rasaon lopus gabe palpalon.”

JESAYA 3:24

Gabe muap busuk ma angka na huskus i, tali ma gonti ni bobat, ulu ni halahi na marobuk na jeges i gabe palpalon noma, angka pakean ni halahi na jeges-jeges i pe gontion ma dohot pakean na mardarang-derung; jana tihas ma gonti ni hajegeson i.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

PANGARATAION 28:27

Hona uhum na ho baenon ni Tuhan marhite baro, songon na nibaenNa tu halak Mesir. Sap ma pamatangmunu dohot baro bope rasa na gatal tapi nada adong ubatna.

PANGARATAION 28:35

Baenon ni Tuhan ma patmunu sap baro na mangintasi boti na so ra malum; sian pat lalu tu ambubumunu sap sude baro-baroon.

PANGARATAION 7:15

Jagohonon ni Tuhan do hamu sian sude nyae na masa, jana dipadao sian sude nyae na masa godang na niidamunu di Mesir, tapi dihonahon ma angka bala i tu angka musumunu.

HALUMBAAN 13:12

Dipake ia do kuaso na godang sian binatang na parjolo i. Dipaksa ia ma portibi on dohot sudena na maringanan disi anso marsomba tu binatang na parjolo i, i ma na dung malum i bugangna na banga i.

HALUMBAAN 14:16

Manigor ro ma na juguk di ginjang ni ombun i maroban sasabiNa tu tano i, gabe dipungka ma sabion di tano i.

HALUMBAAN 14:9

Ro ma surusuruan na patoluhon ihut tu surusuruan na dua i marsurak ma ia gogo, ning ia ma, “Sanga ise na manyomba binatang i dohot patungna i dohot halak na maruli tanda ni binatang i di bohina dohot di tanganna,

HALUMBAAN 16:1

Dung i hubege ma sada sora na gogo sian Bagas Na Badia i. Didok sora i ma tu surusuruan na pitu i, “Kehe ma hamu, duruskon hamu ma haririmas ni Debata isi ni sambong na pitu i tu tano!”

HALUMBAAN 16:11

Diburai halahi ma Debata na di banua ginjang hara ni na hancitan dohot hara ni na baro-baroon i halahi. Hape laing nada ra halahi pauba rohana sian angka pambaenan ni halahi.

HALUMBAAN 8:7

Diombus surusuruan na parjolo i ma sarunenia gabe songon na niduruskon ma pardoras ni udan es dohot udan api na marcampur mudar tu portibi on. Abis ma mosok sapartolu ni portibi on; songon i muse sapartolu sian angka hayu-hayu dohot duhut-duhut na rata.

1 SAMUEL 5:6

Dibaen Tuhan i ma uhum na borat tu halak Asdod jana dibaen ma halahi maoto. Diuhumi ma halahi sude dohot halak na adong di na humaliang huta i, marhite na parohon baro tu pamatang ni halahi.

1 SAMUEL 5:9

Tapi di na lalu Poti i disi, diuhum Tuhan ma kota i muse jana masa ma hasonggoton na godang situtu. Hona uhum ma halak kota i na poso sanga na matobang hona ma na baro-baroon na martubuan di pamatang ni halahi.